Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

«EXPO 2020 Dubai» kórmesinde Qazaqstannyń Memlekettik týy kóterildi

2021 jyldyń 1 jeltoqsan 2021 17:10

DÝBAI. QazAqparat QR Premer-mınıstri Asqar Mamın Birikken Arab Ámirlikterine resmı saparmen baryp, «EXPO 2020 Dubai» dúnıejúzilik kórmesinde Qazaqstannyń ulttyq kúni aıasyndaǵy is-sharalarǵa qatysty, dep habarlaıdy QazAqparat primeminister.kz-ge silteme jasap.

EKSPO-nyń Ál-Ýasl Plaza ortalyq alańynda QR Premer-Mınıstri A. Mamın men toleranttylyq jáne qatar ómir súrý máseleleri jónindegi mınıstr, «EXPO 2020 Dubai» bas komıssary sheıh Nahaıan bın Mýbarak ál Nahaıannyń qatysýymen Qazaqstan Respýblıkasynyń ulttyq týyn kóterý rásimi ótti.




Úkimet basshysy qazaqstandyq saýda-ınvestıtsııalyq forýmǵa qatysty, onda 100-ge jýyq adam – QR men BAÁ memlekettik organdarynyń, iskerlik ortalarynyń, ulttyq holdıngteri men damý ınstıtýttarynyń ókilderi bas qosty.

«Búgingi tańda Qazaqstan men Birikken Arab Ámirlikteri arasyndaǵy qarym-qatynas sapaly jańa deńgeıge kóterildi. 1991 jyldan bastap BAÁ QR ekonomıkasyna $4 mlrd astam ınvestıtsııa saldy. Qazaqstanda BAÁ kapıtalynyń qatysýymen 250-den astam kompanııa jumys isteıdi. Jahandyq ekonomıkada saqtalyp otyrǵan syn-tegeýrinderge qaramastan, elderimizdiń yntymaqtastyǵy nyǵaıa túsýde», -dedi A. Mamın forýmnyń plenarlyq sessııasynda sóılegen sózinde.




Úkimet basshysy ekijaqty qarym-qatynastaǵy mańyzdy oqıǵa bıylǵy qazan aıynda ekonomıkanyń basym salalarynda jobalardy damytý boıynsha uzaqmerzimdi strategııalyq seriktestik ornatý týraly úkimetaralyq kelisimge qol qoıý bolǵanyn atap ótti. Qujat Qazaqstan ekonomıkasynyń energetıkalyq, agroónerkásiptik, kólik-logıstıkalyq, farmatsevtıkalyq jáne qarjy sektorlaryndaǵy jobalardy iske asyrýǵa baǵyttalǵan, ınvestıtsııalardyń jalpy kólemi $6 mlrd-tan asady.




Forýmnyń plenarlyq sessııasynda energetıka mınıstri Maǵzum Myrzaǵalıev, «Samuryq-Qazyna» AQ basqarma tóraǵasy Almasadam Sátqalıev, BAÁ energetıka jáne ınfraqurylym mınıstri Sýheıl ál-Mazrýı, BAÁ memlekettik mınıstri Ahmed Álı ál-Saıeh jáne t. b. sóz sóıledi.

Forým qorytyndysy boıynsha «Samuryq-Qazyna» AQ men Abu Dhabi Developmental Holding Company (ADQ) táýelsiz qory arasynda strategııalyq yntymaqtastyq týraly kelisimge, sondaı-aq QR-da jalpy qýattylyǵy 4 GVt bolatyn kún jáne jel elektr stantsııalaryn salý boıynsha ınvestıtsııalyq qujattarǵa qol qoıyldy.




Qazirgi ýaqytta ámirlikter kompanııalary Qazaqstanda jalpy quny $3,5 mlrd-tan asatyn 11 iri ınvestıtsııalyq jobany iske asyrýǵa qatysyp jatyr.

QR Premer-mınıstri A. Mamın Dýbaı qalasyna sapary aıasynda «QazTrade saýda saıasatyn damytý ortalyǵy» AQ tsıfrlyq kórmesimen tanysyp, «EXPO 2020 Dubai» kórmesiniń taqyryptyq pavılondaryn aralady, sondaı-aq BAÁ jetekshi kompanııalarynyń basshylyǵymen kelissózder júrgizdi.




Qazaqstannyń ulttyq kúnin merekeleý barysynda EXPO aýmaǵynda dúnıejúzilik kórme qonaqtary úshin N. Tilendıev atyndaǵy «Otyrar sazy» akademııalyq folklorlyq-etnografııalyq orkestriniń, opera ánshisi Marııa Mýdrıaktyń, «Astana balet» ujymynyń jáne Qazaqstannyń basqa da ártisteriniń qatysýymen kontsert ótti.


Joǵary qaraı