Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

EXPO-2020 Dubai: Qazaqstan pavılony alańynda Shymkent qalasynyń kúnderi ótip jatyr

2021 jyldyń 23 qarasha 2021 16:13

DÝBAI. QazAqparat – 22 qarashada ashylǵan EXPO-2020 Dubai dúnıejúzilik kórmesindegi Qazaqstan Respýblıkasynyń Ulttyq pavılonynda Shymkent qalasynyń kúnderi ótip jatyr, dep habarlaıdy QazAqparat.

Іs-sharalar aıasynda elimizdiń eń iri óńirleriniń biriniń túrli iskerlik jáne mádenı sharalaryn ótkizý josparlanǵan. Úsh kún boıy Qazaqstannyń ońtústik óńiriniń mádenıeti, óneri, rýhanı qundylyqtary men qonaqjaılylyǵy tanystyrylady.

Ashylý saltanatyna Shymkent qalasy ákiminiń birinshi orynbasary Shyńǵys Muqan, qala ákiminiń orynbasary Aıbek Sáttibaev jáne Shymkent qalasynyń bıznes-qoǵamdastyqtarynyń delegatsııasy qatysty.




Dúnıejúzilik kórme qonaqtaryna jergilikti taýar óndirýshilerdiń, atap aıtqanda, elimizde jáne shetelde tanymal Bal Textile, Akniet Pharmaceuticals kompanııasynyń ónimderi tanystyrylyp, sondaı-aq «Sandyq» ulttyq taǵamdar meıramhanasy kelgenderge esigin aıqara ashty.

Sonymen qatar qonaqtarǵa vırtýaldy 3D-kózildirik, týrıstik AR-kitaptar jáne ımıdjdik beınerolıkter arqyly Shymkent qalasynyń týrıstik múmkindikteri kórsetildi.




Іs-shara qorytyndysy boıynsha álemniń túrli elderinen kelgen qonaqtar men qatysýshylar óńirge joǵary qyzyǵýshylyq tanytyp, óńirmen budan ári de qyzmettiń ártúrli salalarynda halyqaralyq yntymaqtastyq ornatýdyń damý áleýetine toqtalyp ótkenin atap ótken jón.


Joǵary qaraı