Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

«Ever Given» alyp júk tasýshy kemesi sot sheshimimen Sýets kanalynda qaldyryldy

2021 jyldyń 14 sáýir 2021 07:56

NUR-SULTAN. QazAqparat – Naýryz aıynda Sýets kanalynda qaırańǵa otyryp qalyp, álemdik saýdaǵa úlken shyǵyn ákelgen «Ever Given» alyp júk tasýshy kemesi onyń ıesi úlken somada ótemaqy tólemeıinshe, kanal ákimshiliginiń qolynda qalady, dep habarlaıdy QazAqparat BBC News-ke silteme jasap.

Mysyr BAQ-y men álemdik agenttikterdiń jergilikti aqparat kózderine silteme jasap habarlaýynsha, osy eldegi Ismaılııa qalasynyń soty «Ever Given» kemesi tıesili japondyq Shoei Kisen kompanııasy Sýets kanalynyń ákimshiligine 900 mln AQSh dollary kóleminde ótemaqy tólemeıinshe sonda qala beredi.

Sýets kanaly ákimshiliginiń basshysy Ýsma Rabı buǵan deıin jýrnalısterge onyń vedomstvosy japondyq fırmadan keltirilgen moraldyq shyǵyndy, sondaı-aq arnadaǵy qozǵalys qalpyna keltirilgenshe odan ótý úshin tólenetin aqydan aıyrylǵanyn, sol aqyny jáne «Ever Given-di» qaırańnan shyǵarý úshin jumsalǵan qarjyny óndirip alǵysy keletinin málimdegen.

Eske sala ketsek, naýryz aıynyń sońynda Sýets arnasynda iri júk kemesi qaırańǵa otyryp qalyp, álemde júktemesi eń kóp sý jolynyń birin bógep tastady.

Bul jaǵdaı tipti taýarlardy jetkizý tizbegindegi daǵdarystyń kúsheıý qaýpin týdyrǵan. 29 naýryzda keme qaırańnan shyǵaryldy. Sáýirdiń basynda Sýets kanalyndaǵy qozǵalys qalpyna keltirildi.


Basty sózder: Álem, Oqıǵa,
Joǵary qaraı