Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Eýroparlament tóraǵasy Davıd Sassolı qaıtys boldy

2022 jyldyń 11 qańtar 2022 20:39

NUR-SULTAN. QazAqparat – Eýroparlament tóraǵasy Davıd Sassolı 11 qańtar kúni 65 jasynda qaıtys boldy, dep habarlaıdy QazAqparat Euronews aqparat agenttigine silteme jasap

Bul týraly onyń hatshysy Roberto Kýıllo Twitter-degi paraqshasynda jazdy. Onyń aıtýynsha, Sassolı Frıýlı-Venetsııa-Djýlııa óńirindegi Avıano qalasyndaǵy aýrýhanada kóz jumǵan.

26 jeltoqsanda saıasatker ımmýndyq júıesiniń dısfýnktsııasynan týyndaǵan kúrdeli asqynýǵa baılanysty aýrýhanaǵa jatqyzyldy. Buǵan deıin, 2021 jyldyń qyrkúıeginde ol pnevmonııamen Starsbýrgtegi aýrýhanada jatty.
Sassolı buryn kásibı jýrnalıst boldy. Ol birneshe jyl boıy Rai memlekettik arnasynda jańalyqtar júrgizýshisi bolyp qyzmet atqardy.
2009 jyly Sassolı Demokratııalyq partııa tizimi boıynsha Eýropa parlamentine saılandy. 2019 jyldyń 3 shildesinde Eýroparlament tóraǵasy bolyp saılanǵan. Onyń mandatynyń merzimi bıylǵy jyldyń qańtarynda aıaqtalýy tıis. Bir aı buryn Sassolı «eýropalyq basym kópshilikti bólmes úshin» Eýroparlament spıkerligine óz kandıdatýrasyn usynbaıtynyn jarııalady.
Sassolı Antonıo Taıanıden (2017-2019) keıin EP spıkeri qyzmetin atqarǵan ekinshi ıtalıan.


Basty sózder: Álem, Eýropa,
Joǵary qaraı