Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Eýropalyq Keńes: Eýroodaqtyń  keı elderinde COVID-19 vırýsyna qatysty jaǵdaı óte kúrdeli

2021 jyldyń 22 qazan 2021 11:40

BRıÝSSELЬ. QazAqparat – Beısenbi kúni Eýropalyq keńes otyrysynyń sońǵy kúni aıaqtaldy, onda Eýroodaqqa múshe 27 eldiń kóshbasshysy energııa tasymaldaýshylarynyń baǵalary men COVID-19 pandemııasyna qarsy kúres júrgizý máselelerin talqylady, dep habarlaıdy QazAqparat tilshisi.

Eýropalyq kóshbasshylar sammıtiniń qorytyndysy boıynsha, COVID-19 pandemııasyna qarsy kúreske qatysty málimdeme jasaldy.

Eýropalyq Keńes búkil Eýropa boıynsha júrgizilgen vaktsınalaý naýqany vırýspen kúres júrgizýde aıtarlyqtaı progreske ákelgenin atap ótti. Olaı bolǵanymen, Eýroodaqqa múshe keı memleketterdegi jaǵdaı óte kúrdeli bolyp qalyp otyr. Búkil EO boıynsha vaktsınalaý deńgeıin kóterý úshin vaktsınalaýǵa qatysty kúdikti joıý jaǵyna kúsh salý qajet. Sonyń ishinde ásirese áleýmettik jelilerde taratylatyn teris aqparatpen kúres júrgizý kerek, dep sanaıdy Eýroodaqtyń úkimet jáne el basshylary.

Búdan basqa, Brıýsselde COVID-19 vırýsynyń jańa nusqalarynyń paıda bolýyna qatysty qyraǵylyq tanytý kerektigi atap ótildi. Eýroodaq epıdemıologııalyq jaǵdaıdyń turaqtanýyna baılanysty EO ishinde erkin júrip-turý jáne oǵan kirýge kómekti úılestirýge úndep otyr.

EO kóshbasshylarynyń keńesi Eýrokomıssııany sertıfıkattardy úshinshi eldermen ózara moıyndaý jumysyn tezdetýge úndedi, delengen Eýropalyq Odaqtyń qorytyndy málimdemesiniń mátininde.


Joǵary qaraı