Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Eýropada ekpe saldyrmaǵandarmen kúres júrip jatyr

2021 jyldyń 24 qarasha 2021 01:01

NUR-SULTAN. QazAqparat – Álemde koronavırýstyń tórtinshi tolqyny keı elderde vaktsına saldyrtpaǵandar úshin jańa shekteýler engizýge májbúrlep otyr, dep habarlaıdy QazAqparat Euronews aqparat agenttigine silteme jasap.

Qystyń sońyna qaraı nemis halqy «ne vırýsqa qarsy ekpe saldyrtqan, ne emdelgen nemese qaıtys bolǵan» bolady. Mundaı pikirin elde qaýipti vırýs juqtyrý oqıǵalary sanynyń kúrt ósýine baılanysty Germanııanyń densaýlyq saqtaý mınıstri Iens Shpan bildirdi.

Elde rojdestvolyq saýda ótpeıtin boldy. Berlınde keıbireýleri jumys istegenimen, kóbine tek vaktsına saldyrtqandar úshin ǵana ashyq.

Venanyń qańyrap qalǵan kósheleri búkil Eýropa syrtqa shyqpaýǵa májbúr bolǵan burynǵy zaman ýaqytyna teńelip otyr. Avstrııa qurlyqta birinshi bolyp jalpyǵa ortaq lokdaýn engizgen el boldy. Onda aýrý juqtyrý ósimi joǵarylap, vaktsına alǵan adamdar deńgeıi tómen tur.

Brıýsselde vaktsınalaýǵa qatysty ornaǵan teris pikirdi COVID-19 tórtinshi tolqynynyń basty problemasy dep sanalýda.

Búkil Eýroodaqtaǵy kóptegen jas jáne kári azamattardyń jaǵdaıy COVID-19 vırýsyna qarsy vaktsınalaý baǵdarlamalary bolmasa, áldeqaıda nashar bolatyn edi. Alaıda endi biz adamdardyń ekpe saldyrtpaýy saldarynan oryn alyp otyrǵan pandemııaǵa tap boldyq. Barlyǵymyz osyǵan qarsy turýymyz kerek», - dep atap ótti densaýlyq saqtaý máseleleri jónindegi evrokomıssar Stella Kırıakıdes.

Chehııada ekpe saldyrtpaǵandar qoǵamdyq oryndarǵa kirgizilmeıtin bolǵan. Elde turǵyndardyń 60 paıyzdan az turǵyny ekpe saldyrtqan, bul Eýroodaq boıynsha jalpy kórsetkishten tómen bolyp otyr.

Chehııadan kórshiles Slovakııa da úlgi alǵan. Endi onda ekpe saldyrtpaǵandar úshin jarym-jartylaı lokdaýn engizildi – «vaktsına saldyrtqan/aýyrǵan statýsynsyz meıramhanada tamaqtaný, tipti saýda ortalyǵyna kirý múmkin emes.


Basty sózder: Koronavırýs, Álem,
Joǵary qaraı