Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Eýropa Odaǵy Ortalyq Azııa úshin mańyzdy strategııa qabyldady - Erjan Qazyhan

2021 jyldyń 6 qazan 2021 14:45

ALMATY. QazAqparat - QR Prezıdentiniń halyqaralyq yntymaqtastyq jónindegi arnaýly ókili Erjan Qazyhan «Ortalyq Azııa – Eýropalyq Odaq» azamattyq forýmynyń mańyzy týraly aıtty, dep habarlaıdy QazAqparat tilshisi.

Onyń aıtýynsha, forým azamattyq qoǵamdy damytý jáne adam quqyqtaryn qorǵaý salasynda belsendi jumys júrgizýge negizdelgen.

«Búgingi forým - óte mańyzdy. Bul - Ortalyq Azııada ótip jatqan úshinshi forým. Birinshisi Qyrǵyzstanda, ekinshisi Ózbekstanda ótti. Eýropalyq Odaq Ortalyq Azııa úshin mańyzdy strategııany qabyldady. Bul strategııalardyń negizgi tarmaqtarynyń biri - azamattyq qoǵamdy nyǵaıtý jáne azamattyq qoǵamnyń róli. Búginde Qazaqstanda memlekettik organdar men azamattyq qoǵam arasyndaǵy dıalogty nyǵaıtýǵa jáne keńeıtýge úlken kóńil bólinip jatyr»,- dedi QR Prezıdentiniń halyqaralyq yntymaqtastyq jónindegi arnaýly ókili Erjan Qazyhan.

Sonymen qatar, ol úsh taqyryptyq sessııa áleýmettik ıntegratsııa arqyly turaqtylyqty arttyrýǵa, áıelder men jastardyń ál-aýqatyn damytýǵa jáne óńirlik yntymaqtastyq-ekologııalyq problemalardy birlesip sheshý máselelerine arnalǵanyn tilge tıek etti.

«Forým koronavırýstyń jahandyq jaǵymsyz saldarymen kúres jáne azamattyq sektordy qosa alǵanda, barlyq múddeli taraptardyń kúsh-jigerin biriktirý aıasynda erekshe ózekti bola tústi»,- deıdi ol.

Aıta keteıik, Almatyda «Ortalyq Azııa – Eýropalyq Odaq» azamattyq forýmy ótip jatyr.

Sharaǵa Ortalyq Azııanyń bes memleketi men Eýropalyq Odaqtyń delegatsııasy qatysyp jatyr.


Joǵary qaraı