Aýa raıy
Astana 8 °S
Almaty 6 °S
valıýta baǵamy
USD 412.55
EUR 468.66
RUB 5.79
CNY 58.80

Eýropa lıgasy: Shırek fınalǵa shyqqan barlyq komanda anyqtaldy

2020 jyldyń 7 tamyz 2020 03:13

NUR-SULTAN. QazAqparat - UEFA Eýropa lıgasy shırek fınalyna joldama alǵan barlyq komanda belgili boldy, dep habarlaıdy QazAqparat tilshisi.

Búgin Eýropa lıgasy 1/8 fınalynyń sońǵy eki kezdesýi ótkizildi. Onda «Výlvergempton Ýonderers» (Anglııa) jáne «Olımpıakos Pıreı» (Grekııa), «Bazel» (Shveıtsarııa) jáne «Aıntraht Frankfýrt» (Germanııa) komandalary sheberlik baıqasty.

«Výlvergempton Ýonderers» jáne «Olımpıakos Pıreı» jubynyń alǵashqy kezdesýinde jeńimpaz anyqtalǵan joq. Grekııada ótken oıynda qos komanda 1:1 esebine qanaǵat bildirip tarasty. Búgin aǵylshyndyq klýb sapynan Raýl Hımenes 8-mınýtta esep ashty. Osylaısha aǵylshyn klýby 1:0 esebimen jeńiske jetip, jarysty jalǵastyratyn boldy.

Al «Bazel» jáne «Aıntraht Frankfýrt» jubynyń alǵashqy kezdesýinde shveıtsarııalyq komanda syrt alańda oınaǵanyna qaramastan 3:0 esebimen jeńiske jetken bolatyn. Sondyqtan olardyń jarysty jalǵastyrý múmkindigi artty. Bul joly da «Bazel» jeńiske jetý jolyn tapty. Olar 1:0 esebimen jeńiske jetti.

Endi shırek fınalda «Manchester ıÝnaıted» pen «Kopengagen», «Inter» men «Baıer», «Shahter Donetsk» men «Bazel», «Sevılıa» men «Výlvergempton Ýonderers» kezdesedi.

Jarystyń shırek jáne jartylaı fınal oıyndary Germanııanyń Gelzenkırhen, Dýısbýrg, Dıýsseldorf, Keln qalalarynda ótkiziledi. Al fınal 21 tamyzda Keln qalasyndaǵy «Reın Energı» stadıonynda bolady.


Avtor Ádiljan Úmbet
Basty sózder: Sport,
Joǵary qaraı