Aýa raıy
Astana 19 °S
Almaty 14 °S
valıýta baǵamy
USD 412.55
EUR 468.66
RUB 5.79
CNY 58.80

Eýropa lıgasy: «Manchester ıÝnaıted» pen «Inter» jartylaı fınalǵa shyqty

2020 jyldyń 11 tamyz 2020 07:34

NUR-SULTAN. QazAqparat - UEFA Eýropa lıgasynda jartylaı fınalǵa joldama alǵan alǵashqy eki komanda anyqtaldy, dep habarlaıdy QazAqparat tilshisi.

Esterińizge sala ketelik, Eýropa lıgasy 5 tamyzdan bastap qaıta jalǵasty. Aıta ketsek, koronavırýs jaǵdaıyna baılanysty dúbirli doda naýryz aıynda belgisiz merzimge keıinge shegerilgen bolatyn. Nátıjesinde shırek fınalǵa joldama alǵan komandalar anyqtaldy.

Búgin shırek fınaldaǵy eki oıyn ótkizildi. Onyń bireýinde «Manchester ıÝnaıted» (Anglııa) pen «Kopengagen» (Danııa) kezdesti. Oıynnyń negizgi kezeńi 0:0 esebimen teń aıaqtalyp, qosymsha taımǵa ulasty. Oıynnyń 95-mınýtynda «Manchester ıÝnaıted» fýtbolshysy Brýný Fernandesh penaltıden esep ashty. Osylaısha aǵylshyn klýby 1:0 esebimen jeńiske jetti. Endi olar 16 tamyzda jartylaı fınalda «Sevılıa» (Ispanııa) men «Výlvergempton Ýonderers» (Anglııa) jubynyń jeńimpazymen sheberlik baıqasady.

Taǵy bir kezdesýde «Inter» men «Baıer» sheberlik baıqasty. Bul oıynda «Inter» 2:1 esebimen basym tústi. Olardyń qatarynan Nıkolo Barella 15, Romelý Lýkaký 21-mınýtta gol soqty. Oǵan «Baıer» sapynan Kaı Haverts 24-mınýtta bir golmen jaýap qaıyrdy. Budan keıin esep ózgergen joq. «Inter» endi 17 tamyzda jartylaı fınalda «Shahter Donetsk» (Ýkraına) men «Bazel» (Shveıtsarııa) jubynyń jeńimpazymen kezdesedi.

Shırek fınal oıyndary búgin, 11 tamyzda da ótkiziledi. Bul kúni «Shahter Donetsk» men «Bazel», «Sevılıa» men «Výlvergempton Ýonderers» komandalary kezdesedi.

Jarystyń shırek jáne jartylaı fınal oıyndary Germanııanyń Gelzenkırhen, Dýısbýrg, Dıýsseldorf, Keln qalalarynda ótkiziledi. Al fınal 21 tamyzda Keln qalasyndaǵy «Reın Energı» stadıonynda bolady.

Avtor Ádiljan Úmbet
Basty sózder: Álem, Sport,
Joǵary qaraı