Aýa raıy
Astana -9 °S
Almaty -8 °S
valıýta baǵamy
USD 421.58
EUR 496.83
RUB 5.53
CNY 62.20

Eýroodaq lıderleri «Úlken jıyrmalyq» sammıti aldynda EO basymdyqtary týraly aıtty

2020 jyldyń 22 qarasha 2020 02:10

BRıÝSSELЬ. QazAqparat – Eýropalyq komıssııa prezıdenti Ýrsýla fon der Laıen jáne Eýropalyq Keńes basshysy Sharl Mıshel búgin Brıýsselde ótken sammıt barysynda G20 lıderleriniń vırtýaldy sammıtiniń aldynda EO basymdyqtary týraly aıtty, dep habarlaıdy «QazAqparat» HAA tilshisi.

Eki saıasatker de 21-22 qarasha kúnderi ótetin «Úlken jıyrmalyq» sammıtinde EO atynan ókildik etedi. Málimdemede koronavırýstan zardap shegip otyrǵan álemde EO-nyń atalǵan daǵdarystyń tereńdep bara jatqan saldarymen kúreste aıanyp qalmaıtyny aıtylǵan. Sol sebepti olardyń pikirinshe, qazir túrli zertteýler men vaktsına jáne ózge de terapevtik quraldardy daıyndaýǵa ınvestıtsııa sala bergen jón. Olardy álemde barlyq adamdar eshqandaı bólip-jarýsyz birdeı ala alatyndaı bolýy kerek.

«ACT-Accelerator men onyń COVAX-sy bizdiń basty quraldarymyz bolyp tabylady»,-deıdi EO lıderleri.

Brıýssel G20 lıderlerin álem memleketteriniń atalǵan bastamalaryn qarjylandyra berýge, osy baǵytta jyl sońyna deıin 4,5 mlrd AQSh dollaryn bólýge shaqyrmaq.

EO sonymen qatar Eýropa elderiniń jáne damýshy elder men kirisi tómen memleketterdiń ekonomıkasyn qoldaýǵa kúsh salady. Bul rette atalǵan elderge qaryzdaryn qaıtarýdy 2021 jylǵa deıin toqtata turyp, odan soń da taǵy 6 aı múmkindik berý kerek.

Álemge tóngen qaýip-qaterdi qurylys múmkindikterine aınaldyra otyryp, EO «Jıyrmalyq tobynda» jasylǵa negizdelgen, ınklıýzıvti, turaqty, tsıfrlyq ósim baǵytynda turaqty qalpyna keltirýdi jetildirmek. Bul jumystar 2030 jylǵa deıin baǵyttalǵan kún tártibi men onyń turaqty damý baǵytyndaǵy maqsattaryn oryndaý arqyly júzege asyrylmaq.

Sammıt sonymen qatar EO-nyń erkin ári ádil saýdanyń halyqaralyq tártibin jaqtaıtynyn taǵy bir ret dáleldeýge múmkindik beredi.

EO genderlik teńdik pen laıyqty eńbek shartyn qoldaıdy. Sonymen qatar bala eńbegin paıdalanýdy joıý, májbúrli jumysqa jegý, adam saýdasy men qazirgi zamanǵy quldyqpen kúreske kúsh salady.


Arnur Rahymbekov


Perevod Aıdar Ospanalıev
Basty sózder: Halyqaralyq uıymdar, Álem,
Joǵary qaraı