Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Eýroodaq ekpe sertıfıkaty bar turǵyndardyń júrip-turý erejesin jeńildetýdi josparlap otyr

2022 jyldyń 26 qańtar 2022 18:15

BRıÝSSELЬ. QazAqparat - Eýropalyq Odaqtyń jalpy máseleler jónindegi keńesi COVID-19 pandemııasy jaǵdaıynda EO turǵyndarynyń júrip-turý sharalary týraly jańartylǵan usynym qabyldady, dep habarlaıdy QazAqpaoat menshikti tilshisi.

Bul usynys EO-da vaktsınatsııa kórsetkishiniń aıtarlyqtaı ósýine jáne COVID-19 vaktsınatsııasy týraly sandyq sertıfıkattyń tez engizilýine yqpal etedi.

Qujat 2022 jyldyń 1 aqpanynda kúshine enedi. Jańa usynymǵa sáıkes, azamattardyń vaktsınatsııa týraly qujaty bolsa, bir elden ekinshi elge erkin bara alady, sonymen qatar PTR-test tapsyrýdan bosatylady.

«COVID-19-ben kúresý sharalary vırýs aımaqtyq deńgeıdegi jaǵdaıdy emes, ár adamnyń jeke mártebesin eskere otyryp qoldanylýy kerek» - delingen Keńes habarlamasynda.

Saıahatshynyń vaktsına alǵany, test tapsyrǵany nemese COVID-19-dan jazylýy sheshýshi faktor bolady.

COVID-19 vaktsınasynan jaramdy sandyq sertıfıkaty bar adamdar erkin júrip-turyp, qosymsha shekteýler qoıylmaýy tıis. Óz kezeginde, EO sandyq sertıfıkaty joq adamdar saparǵa deıin jáne kelgennen keıin 24 saǵat ishinde test tapsyrýy kerek.

«Biz epıdemıologııalyq jaǵdaıdy emes, vaktsına alǵan ba, joq pa, aýyryp jazylǵan ba, jeke mártebesin eskeremiz. Shekteýler vaktsına saldyrmaǵandar úshin qala bermek», - dedi frantsýz mınıstri Klemant Bon.

Avtory: Arnur Rahymbekov


Basty sózder: Koronavırýs, Vaktsına, Eýropa,
Joǵary qaraı