Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Eýrokomıssııa basshysy Bolgarııada jol apatynan qaza tapqandardyń otbasyna kóńil aıtty

2021 jyldyń 23 qarasha 2021 18:54

BRıÝSSELЬ. QazAqparat – Eýrokomıssııa basshysy Ýrsýla von der Lıaıen Bolgarııada jol apatynan qaza tapqandardyń otbasyna jáne týystaryna kóńil aıtty, dep habarlaıdy QazAqparat menshikti tilshisi.

«Bolgarııada keshe túnde bolǵan avtobýs apatynan qaza tapqandardyń otbasy men dostaryna qaıǵyra kóńil aıtamyn. Sondaı-aq, zardap shekkenderdiń saýyǵyp ketýin tileımin. Mundaı qaıǵyly jaǵdaıda Eýropa sizdermen birge», - dep jazdy Ý.Lıaıen Twitter-de.

Resmı tulǵalardyń aıtýynsha, Bolgarııanyń batysynda avtobýs apatqa ushyrap, keıin órtenip ketken. Kem degende 45 adam, sonyń ishinde 12 bala mert bolǵan.

Oqıǵa jergilikti ýaqytpen saǵat 02:00-de el astanasy Sofııadan ońtústik-batysqa qaraı Boznek aýylyna jaqyn mańda tasjolda bolǵan.

Oqıǵanyń mán-jaıy anyqtalyp jatyr.

Kólik quraly Soltústik Makedonııada tirkelgen. Avtobýspen Túrkııadan kele jatqan týrısterdi tasymaldaǵan. Jeti adam avtobýstan shyǵyp úlgergen, olar kúıik shalyp, aýrýhanaǵa jetkizildi.


Basty sózder: Oqıǵa, Kólik, Álem,
Joǵary qaraı