Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Eýro-2022: Fýtzaldan Qazaqstan quramasynyń qarsylastary anyqtaldy

2021 jyldyń 18 qazan 2021 23:19

ZEIST. QazAqparat - Búgin Nıderlandynyń Zeıst qalasynda fýtzaldan 2022 jylǵy Eýropa chempıonatynyń fınaldyq kezeńiniń jerebesi tartylyp, Qazaqstan quramasynyń qarsylastary anyqtaldy, dep habarlaıdy QazAqparat UEFA saıtyna silteme jasap.

Qazaqstan quramasy V tobynda synǵa túsetin boldy.

Qarsylastary - Italııa, Slovenııa jáne Fınlıandııa. Qazaqstandyq fýtzalshylar 20 qańtarda Slovenııamen kezdesedi. Odan keıin 24 qańtarda Fınlıandııa, 28 qańtarda Italııamen sheberlik baıqasady.

Ózge toptardaǵy quramalar bólinisi tómendegishe:

A toby: Nıderlandy, Serbııa nemese Belarýs, Ýkraına, Portýgalııa

C toby: Reseı, Polsha, Slovakııa, Horvatııa

D toby: Grýzııa, Ispanııa, Ázerbaıjan, Bosnııa jáne Gertsegovına

Buǵan deıin habarlanǵandaı, jerebe tartý rásimi UEFA.tv arnasynda tikeleı efırden kórsetildi. Shara elorda ýaqytymen saǵat 22:00-de bastaldy.

Serbııa men Belarýs quramalary taǵy bir joldamany sarapqa salady. Oıyndar 14 jáne 17 qarasha kúnderine belgilengen.

Qurlyqtyq doda 2022 jyldyń 19 qańtary men 6 aqpany aralyǵynda Nıderlandynyń Amsterdam jáne Gronıngen qalalarynda ótkiziledi. Onda barlyǵy 16 qurama baq synaıdy.

Aıta keteıik, qazaqstandyq fýtzalshylar Eýropa birinshiliginde 2016 jyly alǵash ret qatysty. Sol jyly toptyq kezeńde Reseıden 1:2 esebimen jeńilip, Horvatııadan 4:2 esebimen basym tústi. Odan keıin shırek fınalda Italııany 5:2 esebimen súrindirdi. Jartylaı fınalda Ispanııaǵa 3:5 esebimen jol berdi. Al 3-oryn úshin saıysta Serbııany 5:2 esebimen jeńip, qola júldeger atandy.

2018 jylǵy qurlyqtyq dodada B tobynda Polshany 5:1 esebimen jeńse, Reseımen 1:1 esebine qanaǵat bildirdi. Al shırek fınalda Serbııadan 3:1 esebimen aılasyn asyrdy. Jartylaı fınalda Ispanııamen negizgi kezeńde 5:5 esebimen teń oınap, penaltıden 1:3 esebimen ese jiberdi.

Eske salsaq, Qazaqstan quramasy bıyl ótken álem chempıonatynda tórtinshi oryn aldy.


FOTO: QFF saıtynan
Avtor Ádiljan Úmbet
Basty sózder: Qoǵam, Fýtbol, Sport,
Joǵary qaraı