Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Eýrazııadaǵy dıalog pen senim ınstıtýtyn nyǵaıtý qajet  - Elbasy

2021 jyldyń 17 qarasha 2021 16:15

NUR-SULTAN. QazAqparat – Eýrazııadaǵy dıalog pen senim ınstıtýtyn nyǵaıtý qajet. Bul týraly QR Tuńǵysh Prezıdenti – Elbasy Nursultan Nazarbaev aıtty, dep habarlaıdy QazAqparat tilshisi.

«Álemde baıqalyp otyrǵan daǵdarysty jaǵdaı Eýrazııadaǵy kooperatsııanyń jańa ádisterin ázirleýdi talap etedi. Eń aldymen, Úlken Eýrazııadaǵy dıalog pen senim ınstıtýtyn nyǵaıtý qajet. 1992 jyly Eýropadaǵy EQYU-ǵa uqsas Azııadaǵy ózara is-qımyl jáne senim sharalary keńesin qurýǵa bastamashylyq jasadym», - dep eske aldy Elbasy «Astana klýb-2021» otyrysynda.

QR Tuńǵysh Prezıdentiniń atap ótýinshe, ótken jyldardyń ishinde uıym óziniń qajettiligin dáleldep berdi.

«Búginde bul forým 27 memleketti biriktiredi. Osy ýaqyttyń ishinde AÓІSShK-niń 5 sammıti ótti. Buǵan qosa onyń bedeli de, geografııasy da ulǵaıyp keledi. Osyǵan oraı bizdiń ıdeıamyz – AÓІSShK-ni Azııadaǵy qaýipsizdik arhıtektýrasynyń ortalyq elementine aınaldyrý. AÓІSShK ashyq qurylym retinde Azııadaǵy jalpyqamtymdy dıalogty jolǵa qoıý úshin ońtaıly platforma bola alady dep sanaımyn. Keler jyly AÓІSShK qurylýynyń 30 jyldyǵyna oraı mereıtoılyq sammıtin ótkizý josparlanǵan», - dedi Nursultan Nazarbaev.


Joǵary qaraı