Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Eski kólik dóńgelekterinen ónim shyǵaratyn Aqtóbedegi kásiporynda 50-ge jýyq adam jumys isteıdi

2021 jyldyń 22 mamyr 2021 13:15

AQTÓBE. QazAqparat - Aqtóbede jaramsyz kólik dońǵalaqtaryn tegin qabyldap, odan jasandy jabyndy daıyndap otyrǵan seriktestik tapsyrys qabyldap jatyr, dep habarlaıdy QazAqparat tilshisi.

Aqtóbelik kásiporyn qaldyqty óńdep, jańa ónim usyný bıznesin bes jylǵy jýyq ýaqyt buryn bastady. Sapaly ónim ózge óńirde joǵary suranysqa ıe.

«Jergilikti ónim sapasyna kepildik beremiz. Birneshe jyl buryn tóselgen jasandy jabyndy qazir minsiz kúıde. Tek jýyp, alǵashqy qalpyna keltirýge bolady. Qazirgi kezde jergilikti memlekettik mekemelerdiń tapsyrysy joq. Tek jeke kásipkerler shaǵyn usynysyn bildirip, biz qajettisin daıyndap berip otyrmyz. Al Qostanaı oblysy shamamen 20-25, Almatyda 50 aýlaǵa tapsyrys berip, biz oryndadyq. Sonymen birge ekinshi deıgeıli bank Qazaqstannyń 18 qalasyna balalardyń jaıly ári qaýipsiz aýlasyn syılady. Bári bizdiń eńbegimiz»,- dedi seriktestik dırektory Vasılıı Lagızov.
Jasandy jabyndy óndirisin damytý úshin seriktestikke «Damý óndiris» baǵdarlamasy aıasynda nesıe berildi. Bul ınvestıtsııa ári aınalymǵa salynǵan mol qarjy.
«Kásiporyn Aqtóbeniń ındýstrıaldy aımaǵynda ornalasqan. Ónimdi sport, balalardyń oıyn alańyna qoldana alamyz. Qarapaıym ádis qoldanylady. Eski dońǵalaqtar óńdelip, nyǵyzdalady. Túsi de ártúrli»,- dedi «Damý» qory Aqtóbe oblystyq fılıalynyń menedjeri Baýyrjan Darqulov.
Búginge deıin Aqtóbe, Atyraý, Batys Qazaqstan men Qostanaıdan eski dońǵalaq qabyldandy.
«Alǵashqy kúni-aq eski dońǵalaqty tegin qabyldaı bastadyq. Qazir de tek Aqtóbeden emes, elimizdiń birneshe óńirinen jınaımyz. Jyl saıyn 2-2,5 mıllıon keli shıkizat alamyz. Búginge deıin 7,4 mıllıon keli dońǵalaq zalalsyzdandyrylyp, óńdeldi. Óndiriste 40-47 adam jumys isteıdi. Tapsyrys kóktemnen bastalady. Jaz boıy jumys qyzý júredi»,- dedi Vasılıı Lagızov.














Joǵary qaraı