Aýa raıy
Astana -22 °S
Almaty -9 °S
valıýta baǵamy
USD 421.58
EUR 496.83
RUB 5.53
CNY 62.20

Esirtki jarnamalaǵan qostanaılyq 6 jylǵa sottalýy múmkin

2020 jyldyń 21 qarasha 2020 05:18

QOSTANAI. QazAqparat – Rýdnyı qalasynyń polıtseıleri esirtkini jarnamalaǵan jergilikti turǵyndy ustady, dep habarlaıdy QazAqparat oblystyq polıtsııa departamenti baspasóz qyzmetine silteme jasap.

Rýdnyı qalasynyń aýmaǵynda «Dármek» jedel aldyn alý is-sharasyn júrgizý barysynda polıtsııa qyzmetkerleri úı qabyrǵalaryna esirtki jarnamasyn jazǵan turǵyndy qolǵa túsirdi.

«Jedel ýákilder 22 jastaǵy jergilikti azamatty ustady. Er adam úılerdiń qabyrǵalaryna ınternet-saıttardyń siltemelerin jazǵan.

Atalǵan fakt Qylmystyq kodekstiń 299-babynda kózdelgen «Esirtki quraldaryn, psıhotroptyq zattardy nemese sol tektesterdi, prekýrsorlardy nasıhattaý nemese zańsyz jarnamalaý» qylmystyq quqyq buzýshylyq belgileri boıynsha tirkeldi. Baptyń sanktsııasy alty jylǵa deıingi merzimge bas bostandyǵynan aıyrýdy kózdeıdi», delingen vedomstvo habarlamasynda.

Respýblıkalyq jedel aldyn alý is-sharasy áli de jalǵasady.


Joǵary qaraı