Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Esirtki jarnamalaǵan 800-den astam ınternet resýrs buǵattaldy – ІІM

2021 jyldyń 14 qazan 2021 17:56

NUR-SULTAN. QazAqparat – Jyl basynan beri el kóleminde esirtki túrlerin nasıhattaǵan 875 ınternet resýrs anyqtalyp, buǵattaldy. Bul týraly QR Іshki ister mınıstrliginiń Esirtki qylmysyna qarsy is-qımyl departamentiniń basshysy, polıtsııa polkovnıgi Erlan Omarbekov málim etti, dep habarlaıdy QazAqparat tilshisi.

«Іshki ister organdary ınternet keńistigine monıtorıngti turaqty túrde júrgizip turady. Onyń barysynda esirtki, psıhotroptyq jáne basqa da tyıym salynǵan zattardy taratýǵa qatysty aqparattar anyqtalyp jatady. Esirtkige qatysty aqparattardyń formaty ártúrli. Atap aıtqanda, beıresmı saıttar, posttar, blogtar jáne jarnamalyq habarlandyrýlar. Jyl basynan beri esirtki jarnamalaǵan 875 ınternet resýrs anyqtalyp, buǵattaldy», - dedi Erlan Omarbekov.




Onyń aıtýynsha, elimizde esirtkini jarnamalaýshy saıttardyń basym bóligi sheteldik domenmen tirkelgen.

«Ókinishke qaraı, sheteldik domenmen tirkelgen esirtki jarnamalaýshy ınternet resýrstardyń jolyn kesý ońaı emes. Sol sııaqty ony uıymdastyrýshylardy jaýapkershilikke tartý jaǵy da qıynǵa soǵyp otyr. Jalpy alǵanda elimiz boıynsha esirtkini ınternet arqyly nasıhattaýdyń aldyn alý máselesi erekshe nazarda. Anyqtalǵan ınternet resýrstardyń respýblıka aýmaǵynda qyzmetin toqtatyp, buǵattaý úshin biz derekterdi Aqparat jáne qoǵamdyq damý mınıstrligine jiberemiz», - deıdi ol.

Buǵan deıin E. Omarbekov búginde elimizde adam densaýlyǵyna kúshti áser etetin zattardyń aınalymyna qatysty jańa zań jobasynyń ázirlenip jatqanyn málim etti.



Avtor Álı Ibraev
Basty sózder: Esirtkimen kúres, Internet,
Joǵary qaraı