Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Erjan Qazyhan «Eýropalyq Odaq – Ortalyq Azııa» forýmynda klımattyq máselelerge toqtaldy

2021 jyldyń 6 qarasha 2021 13:11

BІShKEK. QazAqparat - Qazaqstan Respýblıkasy Prezıdentiniń halyqaralyq yntymaqtastyq jónindegi arnaýly ókili Erjan Qazyhan Bishkek qalasynda ótken «Eýropalyq Odaq – Ortalyq Azııa» ekonomıkalyq forýmynyń jumysyna qatysty. QazAqparat bul týraly Aqordaǵa silteme jasap habarlaıdy.

Jıyn pandemııadan keıingi damýdyń kelisilgen ekonomıkalyq sharalardy, «jasyl ekonomıka jáne energetıkaǵa» kóshý, aımaq elderiniń Eýropalyq odaqpen saýda-ekonomıkalyq yntymaqtastyqty nyǵaıtý tásilderin, kóliktik-logıstıkalyq ózara baılanystardy, tsıfrlandyrýdy, sondaı-aq bıznes ortany jaqsartý úshin quqyqtyq retteýlerdi jetildirýge arnalǵan alań bolyp tabylady.




Іs-shara barysynda Erjan Qazyhan «Ekologııalyq teńgerimdi, turaqty, klımattyq jáne ekologııalyq beıtarap ekonomıkaǵa kóshýge» arnalǵan sessııada sóz sóıledi. Memleket basshysynyń Arnaýly ókili óz sózinde elimizdiń óńirdegi klımattyq kún tártibin ilgeriletýdegi róline toqtalyp, Qazaqstannyń 2060 jylǵa qaraı kómirtegi beıtaraptyǵyna qol jetkizý jónindegi jospary jóninde aıtty.




Forým aıasynda Erjan Qazyhan Aýstrııanyń Eýropalyq jáne halyqaralyq ister mınıstri Mıhael Lınhartpen ekijaqty kezdesý ótkizdi. Kelissóz barysynda taraptar saıası jáne saýda-ekonomıkalyq yntymaqtastyqtyń qazirgi jaǵdaıy men perspektıvalaryn, halyqaralyq kún tártibindegi ózekti máselelerdi, sonyń ishinde Aýǵanstandaǵy jaǵdaıdy talqylady. Joǵary deńgeıdegi saıası dıalogty jandandyrý týraly ýaǵdalastyqqa qol jetkizildi.

Erjan Qazyhan elderimiz arasyndaǵy dıplomatııalyq qarym-qatynastardyń ornaǵanyna kelesi jyly 30 jyl tolatynyn atap ótip, Mıhael Lınhartty 2022 jyly Nur-Sultan qalasyna saparmen kelýge shaqyrdy.





Joǵary qaraı