Aýa raıy
Astana 14 °S
Almaty 20 °S
valıýta baǵamy
USD 412.55
EUR 468.66
RUB 5.79
CNY 58.80

Erulan Jamaýbaev salyq merzimin taǵy shegerýge qatysty pikir bildirdi

2020 jyldyń 12 maýsym 2020 18:01

NUR-SULTAN. QazAqparat – Qarjy mınıstri Erulan Jamaýbaev Qazaqstanda bızneske kómektesý úshin salyq merzimin shegerý yqtımaldyǵyna qatysty pikir bildirdi, dep habarlaıdy QazAqparat tilshisi.

«Úkimet qazir ekonomıkany qalpyna keltirý boıynsha aýqymdy jumystardy júrgizip jatyr. Biz kún saıyn onlaın rejımde bıznestiń, ShOB pen qyzmet salasyndaǵy ókildermen talqylaý júrgizemiz. Atalmysh problema bizge belgili. Alaıda buǵan deıin salyq jaǵynan shegerý jeńildikterin bergenbiz. Qazir ekonomıka qaıtadan qalpyna kele bastady. Kelesi joly salyqtyq shegerý bolmaıdy dep úmittenemiz», - dedi OKQ alańynda tilshilerdiń suraǵyna jaýap bergen Qarjy mınıstri.

Alaıda mınıstr kásipkerler mundaı kómekti surap, júgine alatynyn da jetkizdi.

«Qandaı jaǵdaı bolmasyn árbir kásipkerdiń máselesin jeke qaraımyz. Eger bıznes nemese naqty bir kásipker qıyndyqqa tap bolsa, ol salyqtyq zańnama boıynsha jergilikti memlekettik kirister departamentine júgine alady. Shynaıy problemaǵa kózimiz jetse, alty aıǵa deıin shegere alamyz», - dedi Erulan Jamaýbaev.

Aıta keterligi buǵan deıin halyq aldynda esep berý kezinde Erulan Jamaýbaev salyqtyq baqylaý úshin sýbektilerdi núkteli irikteýge múmkindik beretin táýekelderdi basqarý júıesi jetildirilip jatqanyn málim etken edi. Bul sharalar salyq tekserýlerin shamamen 30%-ǵa qysqartqan. Bul rette anyqtalǵan buzýshylyqtardyń somasy 2 ese artyp, 344 mlrd teńgeni quraǵan.


Avtor Aıan Bekenuly
Basty sózder: QR Qarjy mınıstrligi, Salyq,
Joǵary qaraı