Aýa raıy
Astana 13 °S
Almaty 22 °S
valıýta baǵamy
USD 412.55
EUR 468.66
RUB 5.79
CNY 58.80

Ertistegi qaıǵyly jaǵdaı: Sýǵa batqan eki balanyń bireýi qutqaryldy

2020 jyldyń 16 shilde 2020 18:52

ÓSKEMEN. QazAqparat – Óskemende 10 jasar bala sýǵa batyp ketti, dep habarlaıdy QazAqparat ShQO tótenshe jaǵdaılar departamentiniń baspasóz qyzmetine silteme jasap.

Vedomstvodan málim etkendeı, balalar «Paseka» sharýa qojalyǵy mańynda Ertis ózeniniń saǵasynda shomylyp júrgen.

«7 jáne 10 jasar eki bala aǵyspen aǵyp ketip, kómekke shaqyrǵan. Jaqyn mańda júrgender 7 jasar balany sýdan alyp shyqqan, al 10 jasar bala aǵyspen aǵyp ketti», - dep túsindirdi Shyǵys Qazaqstan oblysy tótenshe jaǵdaılar departamenti.

Oqıǵa ornyna kelgen qutqarýshylar balanyń denesin uzaq izdegen, sebebi qaıǵyly jaǵdaı dál qaı jerde bolǵanyn eshkim kórsete almaǵan. Onyń máıiti sýǵa batyp ketken jerden 150 metr qashyqtyqtan tabylyp, polıtsııaǵa berildi.

TJD baspasóz qyzmeti osy jyldyń statıstıkasyn habarlady – oblys boıynsha 7 bala sýǵa batyp ketken. Óskemen jáne Semeı qalalarynda - 2 baladan, Ulan, Glýbokoe jáne Zaısan aýdandarynda bir baladan sýǵa aǵyp ketken. 2019 jyly osy kezeńde ShQO-da tek bir bala sýǵa ketken edi.

«Balalardy sýǵa shomylýǵa jalǵyz jibermeńizder. Olarǵa tyıym salynǵan jerde sýǵa túsýge ruqsat etpeńizder. Balalardy júzýge úıretińizder. Sýda shomylǵanda arnaıy qaýipsizdik quraldaryn – jeńqap jáne jılet kıgizińizder», - dep shaqyrdy qutqarýshylar.


Joǵary qaraı