Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Erteń Qazaqstan quramasy Aq Olımpıadaǵa attanady

2022 jyldyń 26 qańtar 2022 10:33

NUR-SULTAN. QazAqparat - 2022 jylǵy Qytaı astanasy Beıjiń qalasynda ótetin XXIV Qysqy Olımpıada oıyndaryna Qazaqstan quramasy erteń, ıaǵnı 27 qańtar kúni attanady, dep habarlaıdy QazAqparat tilshisi.

Qazaqstan Ulttyq Olımpıada komıteti habarlaǵandaı, qazirgi tańda qazaqstandyq atletter jabyq karantın aımaqtarynda ornalasqan. Komandanyń negizgi bóligi Nur-Sultan men Almaty arqyly charterlik reıspen Qytaıǵa ushady.

Al shetelderde oqý-jattyǵý jıynda júrgen sportshylar jeke grafık boıynsha Beıjińge sol ózderi turǵan elden tóte ushyp barady.

Aıta keteıik, atalǵan Aq Olımpıadada elimizdiń namysyn 34 sportshy qorǵaıdy. Olar - qysqy sport oıyndarynyń ishinde sportttyń shańǵy jarysy, frıstaıl-mogýl, shańǵy akrobatıkasy, taý shańǵysy, shańǵymen sekirý, bıatlon jáne short-trek túrlerinen júldeli oryndarǵa talasady.

Olımpıada oıyndary 4 aqpan kúni bastalyp, 16 aqpanda máresine jetedi. Aldyn ala málimetter boıynsha, bul oıyndarǵa álemniń 95 elinen 4 myńnan astam sportshy qatysady. Onda 109 medal jıyntyǵy sarapqa salynady.

Esterińizge sala keteıik, osyǵan deıin Olımpıada oıyndaryna qatysatyn Qazaqstan quramasynyń tolyq quramy belgili bolǵanyn jazǵan bolatynbyz.


Joǵary qaraı