Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Erteń birqatar soltústik aımaqtarda qar jaýady: 9 óńirde eskertý jarııalandy

2021 jyldyń 27 qyrkúıek 2021 21:01

NUR-SULTAN. QazAqparat - Aýa raıynyń buzylýyna baılanysty Qazaqstannyń birqatar óńirinde eskertý jarııalandy, dep habarlaıdy QazAqparat «Qazgıdromet» RMK baspasóz qyzmetine silteme jasap.

Kúndiz 27 qyrkúıekte Qostanaı oblysynda jáne oblys ortalyǵynda shyǵystan jel soǵady, ekpini 23-28 m/s jetedi.

28 qyrkúıek túnde Soltústik Qazaqstan oblysynyń ońtústiginde, kúndiz basym bóliginde jańbyr men qar jaýady.

Shyǵystan, soltústik-shyǵystan jel soǵady. Jel qarqyny 15-20 m/s, túnde oblystyń ońtústik-batysynda, kúndiz basym bóliginde 23-28 m/s deıin kúsheıedi.

28 qyrkúıek kúndiz Petropavl qalasynda jańbyr men qar jaýady. Shyǵystan, soltústik-shyǵystan jel soǵady, kúndiz jel jyldamdyǵy 23-28 m/s shamasynda bolady.

27 qyrkúıekte Batys Qazaqstan oblysynda solústik-shyǵystan soqqan jeldiń ekpini kúndiz 15-20 m/s jetedi.

28 qyrkúıek kúndiz Qaraǵandy oblysynyń batysynda qatty jańbyr jaýady.

Ońtústik-batystan jel soǵady, oblystyń batysynda, shyǵysynda jáne ortalyǵynda jel qarqyny 15-20 m/s bolady.

28 qyrkúıek túnde jáne tańerteń Aqtóbe oblysynyń batysynda jáne soltústiginde tuman túsedi.

28 qyrkúıek túnde jáne tańerteń Mańǵystaý oblysynyń batysynda, ońtústik-shyǵysynda tuman túsedi .

Oblystyń soltústiginde soltústik-batystan sekýndyna 15-20 metr jyldamdyqpen jel soǵady.

28 qyrkúıekte Aqmola oblysynyń basym bóliginde jáne Kókshetaý qalasynda jaýyn-shashyn jaýady, jańbyrdyń arty qarǵa ulasady.

K úndiz oblystyń soltústik-batysynda, ońtústik-shyǵysynda qatty jaýyn-shashyn jaýady.

Oblystyń soltústik-shyǵysynda shyǵystan, soltústik-shyǵystan soqqan jeldiń kúshi 23 m/s jetedi.

28 qyrkúıek túnde jáne tańerteń Qyzylorda oblysynyń soltústik-batysynda naızaǵaı jarqyldaıdy.

Ońtústik-batystan jáne batystan kúshti jel soǵady. Oblystyń ortalyǵynda jel qarqyny 15-20 m/s deıin kúsheıedi, shańdy daýyl turady.

28 qyrkúıek túnde Nur-Sultan qalasynda jaýyn-shashyn jaýady (jańbyr qarǵa ulasady), kúndiz qatty jańbyr jaýady.


Basty sózder: Aýa raıy, Qazgıdromet,
Joǵary qaraı