Aýa raıy
Astana -25 °S
Almaty -8 °S
valıýta baǵamy
USD 421.58
EUR 496.83
RUB 5.53
CNY 62.20

Erlan Turǵymbaev zamanaýı jabdyqtalǵan aýyldyq polıtsııa beketimen tanysty

2020 jyldyń 5 qazan 2020 18:06

RODINA. QazAqparat – QR Іshki ister mınıstri Erlan Turǵymbaevqa Aqmola oblysyna qarasty Rodına aýylyndaǵy zamanaýı jabdyqtalǵan polıtsııa beketiniń jumysy tanystyryldy, dep habarlaıdy QazAqparat tilshisi.

«Búgins qoǵamdyq tártip pen baqylaý zamanǵa saı quraldarmen jabdyqtalǵan aýylǵa arnaıy keldim. Aýyl ishinde 145 beınebaqylaý kamerasy ornatylǵan. Polıtseı planshet arqyly táýlik boıy turǵyndardyń qaýipsizdigin baqylap, qamtamasyz etedi. ıAǵnı, aýyl tirshiligi tolyqtaı baqylaýda degen sóz. Sonyń dáleli - bul jerde sońǵy 5 jyl ishinde 27 qylmystyq oqıǵa tirkelgen. Al bıyl bir de bir qylmystyq oqıǵa tirkelmegen. Bul aýyldyń qoǵamdyq tártipti saqtaý jáne baqylaý tájirıbesi - kópke úlgi. Sondaı-aq zamanaýı polıtseıdiń jumysyn kórip otyrmyz. Odan bólek, bul jerde tártip saqshylarynyń jumysynda qoǵam men memlekettiń qoldaýy kórinis taýyp otyr», - dedi E. Turǵymbaev.




Mınıstrdiń aıtýynsha, Rodına aýylyndaǵy zamanaýı polıtsııa ýchaskesi basqa óńir-aımaqtarǵa úlgi bolýy tıis.

«Bul - Memleket basshysynyń Joldaýynda aıtylǵan «Halyq únine qulaq asatyn memleket» tujyrymdamasynyń oryndalýy. Sol sııaqty quqyq qorǵaý qyzmetiniń qoljetimdi bolýy da mańyzdy. Sondyqtan aldaǵy ýaqytta bul aýyldyń qoǵamdyq tártipti baqylaý tájirıbesin basqa óńirlerge nasıhattaımyz», - dedi ol.




Jergilikti tártip saqshysynyń málimdeýinshe, aýyldaǵy qoǵamdyq tártipti odan ári qamtamasyz etý maqsatynda beınebaqylaý kamerasynyń sany artady.




«Jeke ınvestordyń esebinen búginde Rodına aýylynda 145 beınebaqylaý kamerasy ornatylǵan. Aldaǵy ýaqytta taǵy 100 beınebaqylaý kamerasymen tolyqpaq. Aýyl kóleminde beınebaqylaý kamerasy ótken jyly ornatyldy, sonyń nátıjesinde bıyl eshqandaı qylmystyq oqıǵa tirkelmedi. Men Rodınadan bólek, jaqyn mańdaǵy taǵy 2 aýylda ýchaskelik polıtseı qyzmetin atqaramyn. Basqa aýylǵa shyqqan kezde ózimmen birge planshet bolady, sol arqyly jedel áreket etý oratylyǵyn basqaryp, baqylap otyramyn», - deıdi Rodına aýylynyń ýchaskelik polıtseıi Qaırat Álibekov.









Joǵary qaraı