Aýa raıy
Astana -23 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

Erlan Turǵymbaev Ulttyq keńes múshelerimen kezdesti

2020 jyldyń 27 qarasha 2020 17:41

NUR-SULTAN. QazAqparat - QR Іshki ister mınıstri Erlan Turǵymbaev Ulttyq qoǵamdyq senim keńesiniń múshelerimen kezdesti. Bul týraly QR Prezıdentiniń keńesshisi Erlan Karın Telegram kanalynda jazdy, dep habarlaıdy QazAqparat tilshisi.

«Búgin QR Іshki ister mınıstri Erlan Turǵymbaev Ulttyq keńes múshelerimen kezdesti. Bul - keńes músheleriniń tamyz aıynan bergi Úkimet múshelerimen 10-shy kezdesýi. Degenmen, búgingi kezdesý Іshki ister mınıstrliginiń memlekettik organdar júıesindegi erekshe róli men jaǵdaıyna baılanysty aıryqsha boldy. Keńes músheleri muny ishki ister organdarynyń ashyqtyqqa bet alǵanynyń kezekti belgisi jáne ІІM-nyń azamattyq belsendilermen ózara is-qımylǵa daıyndyǵy dep qabyldady», - dep jazdy ol.

Erlan Karınniń atap ótýinshe, kezdesý bastalǵan kezde mınıstr Іshki ister mınıstrliginiń aǵymdaǵy jumysy jaıynda baıandap, buǵan deıin Ulttyq qoǵamdyq senim keńesi alańynda kóterilgen máselelerdi pysyqtaý qalaı júrgizilip jatqanyn aıtyp berdi. Odan keıin suraq-jaýap sessııasy ótip, mınıstr otbasylyq-turmystyq zorlyq-zombylyq, azamattardyń shaǵymdary men ótinishterimen jumys, ýchaskelik polıtsııa ókilettigi men mártebesi syndy máselelerge qatysty qoıylǵan saýaldarǵa jaýap berdi.

«Tolyqtaı alǵanda ashyq ári syndarly áńgimelesý boldy. Keńes músheleri men sarapshylar tek problemalyq máselelerdi kóterip qoımaı naqty jobalar men bastamalardy júzege asyrýǵa óz kómekterin de usyndy. Qorytyndysynda mınıstr mundaı kezdesýlerdi turaqty ótkizýge ýáde berdi», - dedi QR Prezıdentiniń keńesshisi.





Joǵary qaraı