Aýa raıy
Astana -14 °S
Almaty -6 °S
valıýta baǵamy
USD 421.58
EUR 496.83
RUB 5.53
CNY 62.20

Erlan Turǵymbaev óz balalaryn uryp-soqqan ákeniń isine qatysty pikir bildirdi

2020 jyldyń 5 qazan 2020 16:14

NUR-SULTAN. QazAqparat - QR Іshki ister mınıstri Erlan Turǵymbaev Túrkistan oblysynda bolǵan óz balalaryn uryp-soǵý oqıǵasyna qatysty pikir bildirdi, dep habarlaıdy QazAqparat tilshisi.

«Kez kelgen quqyq buzǵan adam zań aldynda jaýap berýi tıis. Bundaı álimjettik kórsetý faktileri aıaqsyz qalmaıdy. Zań bárine ortaq. Turmystyq janjal salasyna qatysty quqyq buzýshylyq jáne qylmys birjaqty bolmaıdy, onyń ekinshi jaǵy bolatyndyǵyna nazar aýdarǵym keledi. Túrkistan oblysyndaǵy jaǵdaıǵa kelsek, balalardyń anasy buǵan deıin de kúıeýiniń ústinen birneshe ret shaǵym túsirgen, biraq aryz jazbaǵan. Ol onyń zańdy áıeli, kúıeýinen ajyrasýǵa ótinish bermegen. Bul jerde polıtseılerdiń jumysyn aıqyndaıtyn ózindik zańnamalyq tustar bar. ıAǵnı, biz shaǵymsyz ol áıeldiń joldasyn 3 saǵattan artyq qamaýda ustaı almaımyz. Sondaı-aq, sebepsiz ákimshilik jaýapkershilikke de tarta almaımyz», - dedi E. Turǵymbaev tilshilerdiń suraǵyna jaýap bere otyryp.

Esterińizge sala ketsek, polıtseıler 4 qazan kúni áleýmettik jelilerge monıtorıng júrgizý kezinde er adamnyń kámeletke tolmaǵan balany uryp-soǵyp jatqan beınejazbany anyqtady . Atalǵan jaıt sotqa deıingi tergeý tizilimine QR QK 110-baby 2-bóligi «Azaptaý» boıynsha tirkeldi.

Kóp uzamaı tártip saqshylary balalaryn uryp-soqqan ákeni ustady.


Avtor Álı Ibraev
Basty sózder: Zań, QR ІІM, Túrkistan oblysy, Oqıǵa,
Joǵary qaraı