Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Erlan Turǵymbaev Interpoldyń Bas Assambleıasy 89-shy sessııasyna qatysty

2021 jyldyń 24 qarasha 2021 22:15

NUR-SULTAN. QazAqparat – Interpoldyń Bas Assambleıasynda Qazaqstannyń Іshki ister mınıstri halyqaralyq polıtsııa yntymaqtastyǵy máselelerin talqylady, dep habarlaıdy QazAqparat QR ІІM baspasóz qyzmetine silteme jasap.

Túrkııa astanasynda halyqaralyq qylmystyq polıtsııa uıymynyń Bas Assambleıasy – Interpoldyń 89-shy sessııasy ótip jatyr, alqaly jıynǵa qazaqstandyq delegatsııany Іshki ister mınıstri Erlan Turǵymbaev bastap bardy.

Assambleıaǵa 160 eldiń ókilderi, sondaı-aq Interpoldyń ulttyq ortalyq bıýrosy, onyń ishinde Qazaqstan men halyqaralyq uıymdar – BUU, DSU, HKU, Europol, Ameripol, Aseanapol basshylary, Ortalyq Amerıka, Meksıka jáne Karıb óńiri polıtsııa basshylarynyń komıssııasy jáne t.b. qatysýda.

Assambleıada Interpoldyń jahandyq qaýipsizdikti qamtamasyz etýde mańyzdy ról atqaratyny, jalpy qylmyspen kúres salasynda qatysýshy elderdiń ulttyq quqyq qorǵaý organdarynyń kúsh-jigerin biriktirý salasynda keń múmkindikter beretini atap ótildi.
Túrkııa Respýblıkasynyń Prezıdenti Rejep Erdoǵan qatysýshylarǵa arnaǵan sózinde halyqaralyq terrorızmge qarsy kúrestegi halyqaralyq qylmystyq polıtsııa uıymynyń mańyzdylyǵyn atap ótti.

– Men úshin órkenıetter toǵysatyn osy qalada Interpol Assambleıasyn qabyldaý úlken mártebe. Bul kezdesý bárimizdiń elimizdiń qaýipsizdigi men qorǵalýyn qamtamasyz etýge úlken úles qosady dep senemin, – dep atap ótti Túrkııa basshysy.

Assambleıa alańynda Erlan Turǵymbaevtyń Túrkııa Respýblıkasynyń Іshki ister mınıstri Soılý Súleımanmen, sondaı-aq Sıngapýr, Koreıa Respýblıkasy, BAÁ jáne t.b. polıtsııa vedomstvolary delegatsııalarynyń basshylarymen ekijaqty kezdesýleri ótti.

Sheteldik áriptesterimen kezdesý barysynda mınıstr halyqaralyq polıtsııa yntymaqtastyǵynyń ózekti máseleleri, sonyń ishinde transulttyq qylmys, esirtki bıznesi, zańsyz kóshi-qon, adam saýdasy, kıberqaýipsizdik, qylmyskerlerdi ustaý jáne basqa da máselelerdi talqylady.


Basty sózder: Túrkııa, QR ІІM, Qylmyspen kúres,
Joǵary qaraı