Aýa raıy
Astana 15 °S
Almaty 11 °S
valıýta baǵamy
USD 412.55
EUR 468.66
RUB 5.79
CNY 58.80

Erlan Saıyrov: Sanıtarlyq-epıdemıologııalyq sharalardy saqtaý qalypty jaǵdaıǵa aınalýy tıis

2020 jyldyń 14 tamyz 2020 23:23

NUR-SULTAN. QazAqparat - Saıasattanýshy Erlan Saıyrov sanıtarlyq-epıdemıologııalyq sharalardy saqtaý qalypty jaǵdaıǵa aınalýy kerek ekenin aıtty, dep habarlaıdy QazAqparat tilshisi.

«Koronavırýs indeti bizdiń kúndelikti ómirimiz ben mádenı ortamyzǵa úlken ózgeris ákeldi. Búgingi tańda áleýmettik-ekonomıkalyq, mádenı jáne gýmanıtarlyq salada úlken ózgeris bolyp jatyr. Endi adamdardyń kúndelikti ómirlerinde ózgeris bolýy kerek. Halyq koronavırýspen birge ómir súrýge beıimdelýi qajet. Bul ne degen sóz? Bul - ár adam sanıtarlyq epıdemıologııalyq sharalardy saqtap, maska taǵyp, áleýmettik qashyqtyqty saqtaı bilýi kerek degen sóz», - deıdi Erlan Saıyrov.

Onyń aıtýynsha, bul sharalar biz úshin qalypty jaǵdaıǵa aınalýy kerek.

«Eger qoǵam men bılik osy sharalardy saqtamasa - koronavırýs indetin jeńe almaıdy. Biz birlese jumys isteýimiz kerek: bılik jáne halyq. Kúsh biriktirgende ǵana koronavırýsty jeńe alamyz. Іndettiń ekinshi tolqyny bolýy múmkin. Onymen álem bolyp kúresýge daıyn bolýymyz kerek. Ókinishke qaraı, birinshi kezeńde memleket te, qoǵam da daıyn bolmady. Endi ekinshi tolqynǵa myqtap daıyndalýymyz kerek. Úkimet halyqty medıtsınalyq qajettiliktermen qamtamasyz etip, barlyq ınfraqurylymdy daıyndaýy kerek, al halyq koronavırýs indetinen qorǵanýǵa qatysty barlyq erejeni saqtaýy tıis», - deıdi ol.

Aıta keteıik, 13 tamyzda QR Premer-Mınıstri Asqar Mamınniń tóraǵalyǵymen ótken memlekettik komıssııa otyrysynda karantın sharalaryn kezeń-kezeńimen alyp tastaý jospary bekitildi.



Avtor Zarına Qaharman
Basty sózder: Medıtsına, Qoǵam, Koronavırýs,
Joǵary qaraı