Erlan Qarın sportshylardy Sýrdlımpıadadaǵy jarqyn jeńisimen quttyqtady
NUR-SULTAN. QazAqparat - Memlekettik hatshy Sýrdlımpıada oıyndaryna qatysqan Ulttyq qurama múshelerine quttyqtaý jedelhatyn joldady, dep habarlaıdy Aqorda.
– Elimizdiń ulttyq qurama komandasy 3 altyn, 7 kúmis, 18 qola medalǵa ıe boldy. Bul – sportshylardyń jáne jattyqtyrýshylardyń tabandylyǵy men qajyrly eńbeginiń jemisi. Sizder Qazaqstannyń sport salasyndaǵy áleýeti zor ekenin taǵy bir márte dáleldedińizder. Dúbirli dodada kók týymyzdy bıikte jelbiretken jeńimpazdarǵa shynaıy rızashylyǵymdy bildiremin. Bolashaqtaǵy baıraqty básekelerde de halqymyzdyń abyroıyn asqaqtata beresizder dep senemin, – delingen jedelhatta.
Sonymen qatar Memlekettik hatshy barsha sportshyǵa baq-bereke, tolaǵaı tabys tiledi.
