Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Erlan Qarın Almatydaǵy kontsertte oryn alǵan keleńsiz jaıtty aıyptady

2022 jyldyń 27 mamyr 2022 16:38

NUR-SULTAN. QazAqparat – QR Memlekettik hatshysy Erlan Qarın Almatydaǵy kontsertte oryn alǵan keleńsiz jaıtty aıyptady, dep habarlaıdy QazAqparat tilshisi.

«Almaty qalasyndaǵy kontsert kezinde bolǵan oqıǵa qazir qoǵamda qyzý talqylanyp jatyr. Bizdiń bilýimizshe, kontsertti «NS group» JShS uıymdastyrǵan. Shiza laqap atyn ıelengen azamattyń Memlekettik týǵa qatysty áreketi jiti tekserilip, oqıǵanyń mán-jaıy anyqtalýy qajet. Kontsertte ishimdik ishilgendikten mundaı áreketke jol berilgen dep oılaımyn. Jastar osy bir keleńsiz oqıǵadan sabaq alyp, qarapaıym mádenıet pen etıketti meńgerýi qajet», - dep jazdy Erlan Qarın Facebook-paraqshasynda.

Onyń atap ótýinshe, mundaı aýqymdy is-sharalardy uıymdastyrýshylar da jaýapkershilikti sezinýi kerek. Olar kontsert uıymdastyrǵan kezde ishimdiktiń ishilýine jol bermeýge, basqa da oqys oqıǵalardyń aldyn alýǵa tıis.

«Biz memlekettiligimizdiń, Táýelsizdigimizdiń sımvoly sanalatyn Memlekettik týǵa zor qurmetpen qaraýymyz qajet. Ony aıaqasty etýge jol bermeýimiz kerek. Týymyzdy nemese basqa da rámizderimizdi qorlaǵan áreketter quqyqtyq-normatıvtik aktilerge sáıkes jaýapkershilikke tartylady. Óıtkeni, zań barshaǵa ortaq. Elimizdiń árbir azamaty Memlekettik týdy qurmettep, qaster tutýy qajet dep sanaımyn», - dedi Memlekettik hatshy.

Aıta keteıik, búgin áleýmettik jelilerde Almatydaǵy Balýan sholaq atyndaǵy sport saraıynda ótken «Irına Kaıratovna» tobynyń kontsertinen vıdeoúzindi jarııalandy. Onda sahna tórinde turǵan jas ánshilerdiń biriniń Memlekettik týdy laqtyrmaq bolǵanyn kórýge bolady.


Joǵary qaraı