Aýa raıy
Astana -9 °S
Almaty -8 °S
valıýta baǵamy
USD 421.58
EUR 496.83
RUB 5.53
CNY 62.20

Erkekshe kıingen áıel óz týysynyń úıin tonaǵan

2020 jyldyń 25 qarasha 2020 20:31

NUR-SULTAN. QazAqparat – Elordada er adam bolyp kıingen áıel týysynyń úıine kirip, altyndaryn jymqyryp ketken, dep habarlaıdy QazAqparat qalalyq polıtsııa departamentiniń baspasóz qyzmetine silteme jasap.

Otbasy músheleriniń bári qonaqqa ketip, páterdiń qaraýsyz qalatynyn aldyn ala bilgen áıel kireberis esik kiltiniń dýblıkatyn jasap alǵan. Páterge qalaı kirýdiń joldaryn oılastyra otyryp, ol úıdiń janyndaǵy qaýipsizdik kameralaryna túsip qalmaýǵa tyrysypty. Ol úshin áıel erlerdiń kıimin kıip, júrisin ózgertken.

«Týystary qonaqqa ketip qalǵan kúni erlerdiń kúrtesi men bas kıimin kıip alǵan áıel urlyq jasaǵan. Er adamnyń júrisin sala otyryp, ol úıge jaqyndap, páterge erkin kirip, quny 1 mıllıon teńgelik altyn buıymdardy alyp shyqqan. Osydan soń kúdikti kóshede óz kıimin aýystyryp, erler kúrtesin laqtyryp jibergen. Ol urlanǵan zergerlik buıymdardy 370 myń teńgege lombardqa tapsyrǵan. Altyn buıymdardy polıtsııa lombardtan tárkiledi», - dep habarlaıdy departamenttiń baspasóz qyzmetinen.

Úıine oralǵan týystary polıtsııaǵa júginipti. Jedel izdestirý sharalary barysynda áıel ustalyp, kinásin moıyndaǵan. Qazir osy iske qatysty tergeý amaldary júrgizilip jatyr.


Avtor Aıan Bekenuly
Basty sózder: Nur-Sultan, Oqıǵa,
Joǵary qaraı