Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Eraly Toǵjanov Prezıdentke qazaqstandyqtardyń jalaqysyn kóterý týraly aıtty

2022 jyldyń 11 sáýir 2022 15:41

NUR-SULTAN. QazAqparat -Memleket basshysy Qasym-Jomart Toqaev Premer-Mınıstrdiń orynbasary Eraly Toǵjanovty qabyldady, dep habarlaıdy Aqorda.

Prezıdentke halyqtyń tabysyn arttyrý baǵdarlamasynyń júzege asyrylý barysy týraly málimet berildi.

Eraly Toǵjanov Qasym-Jomart Toqaevqa jalaqyny kóterý isiniń 1 mıllıonnan astam bıýdjettik sala qyzmetkerleri men kvazımemlekettik sektordyń óndiristik personalyn qamtıtynyn habarlady. Sondaı-aq kásipkerlikke mindettemeler belgileý arqyly memleketten kómek alatyn iri bıznestegi 2,8 mıllıon qyzmetkerdiń eńbek tabysyn arttyrý qarastyrylǵan.

Memleket basshysyna kásipkerlik qyzmettiń tabysyn arttyrýǵa, sondaı-aq farmatsevtıka, bıotehnologııa, IT-tehnologııa jáne munaı-hımııa baǵytyndaǵy jańa óndirister sııaqty ekonomıkanyń túrli salalaryndaǵy ınvestıtsııalyq jobalardy iske asyrý arqyly jańa jumys oryndaryn ashýǵa qatysty Úkimettiń jospary baıandaldy.

Sonymen qatar Premer-Mınıstrdiń orynbasarynyń aıtýynsha, halyqtyń áleýmettik jaǵdaıy tómen toptaryn qoldaý sharalary qarastyrylǵan. Mysaly, «Baqytty otbasy» jobasy aıasynda kóp balaly jáne múmkindigi shekteýli balalardy tárbıelep otyrǵan 20 myń áıel jumyspen qamtylady. Jastardy jumysqa ornalastyrý úshin «Jastar tájirıbesi» jáne «Alǵashqy jumys orny» jobalary júzege asyrylyp, 400 aılyq esepti kórsetkishke deıin granttar beriledi.

Kezdesý sońynda Prezıdent halyqtyń tabysyn arttyrýdyń aıryqsha mańyzdy ekenin atap ótip, Úkimetke bul máseleni erekshe baqylaýda ustaýdy tapsyrdy.



Basty sózder: jalaqy, Aqorda, Qazaqstan Prezıdenti,
Joǵary qaraı