Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Eraly Toǵjanov óńirlerdegi bilim berý deńgeıin kóterýdi tapsyrdy

2022 jyldyń 27 qańtar 2022 13:59

NUR-SULTAN. QazAqparat – Óńirler arasynda bilim deńgeıine qatysty aıtarlyqtaı problemalar men alshaqtyqtar bar. Bul týraly QR Premer-Mınıstriniń orynbasary Eraly Toǵjanov aıtty, dep habarlaıdy QazAqparat tilshisi.

«Orta bilim berýde bilim sapasyn teńestirýge, oqytýdaǵy kemshilikterdi der ýaqytynda joıýǵa, qalyp qoıǵan balalardy oqytýǵa negizgi basymdyq berilýi tıis. Qalalyq jáne aýyl mektepteri arasyndaǵy bilim alshaqtyǵyn tómendetý boıynsha keshendi is-sharalar qajet. Bizde óńirler arasynda bilim deńgeıine qatysty aıtarlyqtaı problemalar men alshaqtyqtar bar. Menińshe, bul másele búginde kúntártibinde tur - dedi Úkimet basshysynyń orynbasary Bilim jáne ǵylym mınıstrliginiń keńeıtilgen alqa otyrysynda.

Onyń atap ótýinshe, ártúrli tilde bilim beretin mektepter arasynda da naqty problemalar bar.

«Sondyqtan bul baǵytta atalǵan máselelerdi sheshý úshin naqty tájirıbelik is-sharalardy aıqyndaýdy ótinemin. Memleket basshysynyń tapsyrmasyn oryndaý aıasynda Qarjy, Ulttyq ekonomıka mınıstrlikteri óńir ákimderimen birlesip, qarjylandyrýdy teńestirýdi jáne qalyp qoıǵan óńirlerdiń bilim berý deńgeıin arttyrýdy qamtamasyz etýdi tapsyramyn. Ásirese, aýyldyq jerlerdegi pedagog tapshylyǵy problemasyn túbegeıli sheshý qajet», - dedi Eraly Toǵjanov.


Joǵary qaraı