Aýa raıy
Astana -8 °S
Almaty -10 °S
valıýta baǵamy
USD 421.58
EUR 496.83
RUB 5.53
CNY 62.20

Eraly Toǵjanov BQO men Aqtóbeniń koronavırýstyń ekinshi tolqynyna daıyndyǵymen tanysty

2020 jyldyń 29 qazan 2020 22:00

NUR-SULTAN. QazAqparat - QR Premer-Mınıstriniń orynbasary Eraly Toǵjanov jumys saparymen Aqtóbe jáne Batys Qazaqstan oblystaryna bardy, dep habarlaıdy primeminister.kz.

Vıtse-premer epıdemıologııalyq ahýal jáne koronavırýstyń yqtımal tolqynyna daıyndyq boıynsha keńester ótkizip, oblys basshylyǵynyń atqarylǵan jumys týraly esebin tyńdady.

Aqtóbe oblysynda Premer-Mınıstrdiń orynbasary Aqtóbe medıtsınalyq ortalyǵynyń negizindegi provızorlyq statsıonardyń jumysymen tanysty. Sodan keıin vıtse-premer 2021 jyldyń birinshi toqsanynda paıdalanýǵa berý josparlanǵan 190 tósek-oryndyq perınataldyq ortalyqtyń qurylys barysymen tanysty.




Eraly Toǵjanov «TK Farm Aqtóbe» JShS farmatsevtıkalyq zaýytynda dárilik zattardy óndirý protsesimen tanysty. Kásiporynnyń qýattylyǵy jylyna 6 mln tabletka men kapsýlany, 75 tonna suıyq dári túrlerin jáne 12 tonna syǵyndyny quraıdy. Pandemııa kezinde kásiporyn antıseptıkter men medıtsınalyq maska shyǵarýdy jolǵa qoıdy.

Qazaqstandaǵy tsıfrlyq statsıonarlyq jáne mobıldi rentgen apparattarynyń jalǵyz óndirýshisi «Aktıýbrentgen» AQ bolyp otyr. Eraly Toǵjanovqa pandemııa bastalǵannan beri elimizdiń medıtsınalyq mekemeleri úshin 48 tsıfrlyq rentgen apparatyn shyǵarǵan iri kásiporynnyń jumysy tanystyryldy.

Budan ári Batys Qazaqstan oblysynda vıtse-premer Oral qalasyndaǵy josparly emdeýge jatqyzý boıynsha kópbeıindi aýrýhananyń jumysyn tekserdi. Medıtsına qyzmetkerlerimen kezdesýde E. Toǵjanov oblystyq jedel járdem stantsııasyna 20 avtokólik kiltin saltanatty túrde tabys etti.

Sapardyń kelesi pýnkti aǵymdaǵy jyldyń qarasha aıynda paıdalanýǵa berý josparlanǵan oblystyq 200 oryndyq juqpaly aýrýlar aýrýhanasynyń qurylys barysymen tanysý boldy. Sondaı-aq, delegatsııa dárilik zattar men medıtsınalyq buıymdardyń 7 myńnan astam ataýynyń dıstrıbıýtory – «Talap» AQ dárihanasyna bardy.




E. Toǵjanov halyqty jáne densaýlyq saqtaý nysandaryn dári-dármekpen qamtamasyz etýdiń mańyzdylyǵyna nazar aýdardy. Jumys saparynyń jalǵasy retinde Eraly Toǵjanov COVID-19 taralýyn boldyrmaýǵa baǵyttalǵan sanıtarlyq sharalardy tekserý maqsatynda «Syrym» baqylaý-ótkizý beketiniń jumysyn tekserdi.

Sapar sońynda óńir basshysy vıtse-premerge 2020-2021 jyldarǵa arnalǵan Jumyspen qamtýdyń jol kartasy baǵdarlamasy aıasynda atqarylǵan jumystardyń nátıjesi týraly baıandady.


Joǵary qaraı