Aýa raıy
Astana -3 °S
Almaty 0 °S
valıýta baǵamy
USD 421.58
EUR 496.83
RUB 5.53
CNY 62.20

Eraly  Toǵjanov Atyraýdaǵy epıdemıologııalyq ahýalǵa qatysty shuǵyl jıyn ótkizdi

2020 jyldyń 10 shilde 2020 23:06

ATYRAÝ. QazAqparat – Búgin QR Premer-Mınıstriniń orynbasary Eraly Toǵjanov Atyraý oblysyna jumys saparymen kelip, óńirdegi epıdemıologııalyq ahýalǵa qatysty shuǵyl jıyn ótkizdi, dep habarlaıdy QazAqparat.

Premer-Mınıstrdiń orynbasary bastaǵan delegatsııa quramynda Densaýlyq saqtaý mınıstriniń birinshi orynbasary Marat Shoranov, Energetıka vıtse-mınıstri Áset Maǵaýov, Reseıdiń Tutynýshylar quqyǵyn qorǵaý jáne adam saýlyǵy federaldy qyzmetiniń «Mıkrob» ǵylymı ortalyǵynyń jetekshi ǵylymı qyzmetkeri Irına Sharova, Reseıdiń Tutynýshylar quqyǵyn qorǵaý jáne adam saýlyǵy federaldy qyzmetiniń Týla oblysyndaǵy basqarma basshysy orynbasary Zalımhan Omarıev bar.

«Atyraý oblysynda búginde koronavırýs ınfektsııasyna shaldyqqandar sany 7150 adamǵa jetti. Jazylyp shyqqandar sany - 4693 adam, al, 13 adam kóz jumǵan. Epıdemıologııalyq ahýaldy turaqtandyrý maqsatynda oblystyq aýrýhana janynan jýyrda 400 oryndyq karantındik statsıonar ashylatyn bolady», -dedi Eraly Toǵjanov.

Oblys ákimi Mahambet Dosmuhambetovtiń málimetinshe, qalalyq emhanalar janynan statsıonarlar jasaqtalyp, naýqastardy emdeý sharalary atqarylýda. Sall-ortalyq ashylyp, táýlik boıy bilikti mamandar turǵyndarǵa keńes berýde. Qazirgi ýaqytta oblysta 694 ınfektsııalyq, 895 provızorlyq, 2328 karantındik statsıonarlar jumys istep jatyr.

Búginde statsıonarlar 115 IVL apparatymen, 29 rentgen apparatymen qamtylǵan.

Sonymen birge, 4 kompıýterlik tomografııa bar. Emhanalar janynan 61 mobıldi top jasaqtalǵan. Olar koronavırýs ınfektsııasynyń sımptomsyz jáne jeńil túrimen aýyrǵandarǵa úı jaǵdaıynda ambýlatorlyq kómek kórsetýde.

Koronavırýspen qatar, Atyraýda pnevmonııamen syrqattanǵandardyń sany 1307 adamdy qurap otyr. Óńirde dári-dármek tapshylyǵy máselesi sheshilýde. Qala men aýdandardyń dárihanalaryna eń qajetti antıbıotıkter, qyzý túsiretin dáriler jetkizilip jatyr.

Qazirgi ýaqytta Atyraýda pandemııamen kúreske 1429 dáriger maman jumyldyryldy. Biraq, medıtsına mamandary jetispeýshiligi máselesi ótkir seziledi. Atyraýda 278 dáriger jetispeıdi. Atalǵan máseleni sheshý úshin Reseımen kelissózder jasalyp, óńirge jas mamandardy tartý jumystary júrgizilip jatyr. Sonymen qatar, basqa óńirlerde ınternatýra men ordanıtýrada bilimderin jetildirip, taǵlymdamadan ótip júrgen 122 atyraýlyq jas maman indetpen kúreske jumyldyrylatyn bolady.

QR Premer-Mınıstriniń orynbasary Eraly Toǵjanov azamattardyń karantındik talaptardy muqııat saqtaýy úshin atqarylyp jatqan jumystardy kúsheıtý qajettigin tapsyrdy.


Joǵary qaraı