Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Epıdjaǵdaı nasharlaıtyn bolsa, Soltústik Qazaqstan tolyq lokdaýnǵa qaıta oralmaq

2021 jyldyń 15 qazan 2021 17:22

PETROPAVL. QazAqparat – Soltústik Qazaqstan oblysynda bir aptada koronavırýsty juqtyrǵandar sany 1,5 ese artty. Óńirde epıdemıologııalyq jaǵdaı áli de nasharlaıtyn bolsa, óńir tolyq lokdaýnǵa kóshýge májbúr bolady, dep habarlaıdy QazAqparat tilshisi.

SQO-da sanıtarııalyq-epıdemıologııalyq baqylaý departamentiniń ókilderi epıdemıologııalyq jaǵdaıdyń turaqsyz ekenin aıtady. Sońǵy eki aptadan beri koronavırýsty juqtyrǵandar sany artyp keledi.

Dárigerlerge sýyq tıip, ókpesi qabynyp qaralǵandardyń basym bóliginde jáne aýyrǵandarmen baılanysta bolǵandarda koronavırýs anyqtalyp jatyr. Departament basshysynyń orynbasary Arman Kúshbasovtyń aıtýynsha, oblysta ekpe alýshylar qatary sıregen, kúnine 200-300 adam ǵana alyp jatyr. Al bul epıdjaǵdaıǵa óz áserin tıgizedi.

«Vırýs eshqaıda ketken joq, ol kóbine vaktsınatsııalanbaǵandarǵa juǵyp jatyr. Máselen, Túrkistan oblysy men Shymkent vaktsınatsııa boıynsha jospardy 100 % oryndady. Halyqtyń tıisti bóligi ekpe aldy. Qazir bul óńirler «jasyl» aımaqta. Al SQO ekinshi apta «qyzyl» aımaqta otyr», - deıdi Arman Kúshbasov.

Sanıtar dáriger oblys turǵyndaryn qarapaıym talaptardy oryndaýǵa shaqyrdy.

«Maskany durys taǵyńyzdar, áleýmettik ara qashyqtyqty saqtańyzdar, qoǵamdyq oryndarǵa, adamdar kóp shoǵyrlanǵan jerlerge barmańyzdar. Eń bastysy – vaktsına alyńyzdar. Eger de koronavırýs juqtyrǵandar sany áli de artatyn bolsa, onda barlyq kásiporyndardyń jumysyn toqtatýǵa májbúr bolamyz. ıAǵnı, oblys qaıtadan tolyq lokdaýnǵa kóshedi», - deıdi Arman Kúshbasov.

Buǵan deıin balalardyń arasynda koronavırýs juqtyrǵandar sanynyń artqanyn aıtqan edik. Saldarynan SQO-da 142 mektep qashyqtan oqýǵa kóshirildi.


Joǵary qaraı