Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

EO-nyń Qazaqstandaǵy elshisi Eýropa men Ortalyq Azııa yntymaqtastyǵynyń negizgi baǵyttaryn aıtty

2021 jyldyń 6 qarasha 2021 11:20

BІShKEK. QazAqparat – Eýropalyq kompanııalar Qazaqstanǵa ınvestıtsııa salýǵa qyzyǵýshylyq tanytyp otyr. Bul týraly Bishkekte «Eýropalyq Odaq – Ortalyq Azııa» ekonomıkalyq forýmynda EO-nyń Qazaqstandaǵy elshisi Kestýtıs ıAnkaýskas aıtty, dep habarlaıdy QazAqparat tilshisi.

«Forým barysynda Eýropalyq komıssııanyń tóraǵasy Ýrsýla fon der Lıaıen Ortalyq Azııanyń gúldenýi Eýropa úshin mańyzdy ekenin atap ótti. Birinshi kezekte óńir EO úshin seriktes retinde mańyzdy bolyp tur. Sonymen qatar, bizdiń yntymaqtastyq Ortalyq Azııa men EO aýmaǵynda beıbitshilik pen turaqtylyqty saqtaý turǵysynda basymdyqqa ıe. Ekinshiden, saýda salasyna erekshe mán berilip otyr. Bul baǵytta eleýli jetistikter bar, ıaǵnı óte jaqsy negiz bar dep aıtýǵa bolady. Degenmen, saýda qatynastaryn aldaǵy ýaqytta da nyǵaıta túsý kerek dep sanaımyz», - dedi Kestýtıs ıAnkaýskas.

Onyń aıtýynsha, eýropalyq kompanııalar Qazaqstanǵa ınvestıtsııa salýǵa qyzyǵýshylyq tanytyp otyr.

«Barlyq elderge sońǵy býyndy tehnologııalar kerek. Osy baǵytta yntymaqtastyq mańyzdy dep bilemiz. Budan bólek, EO qorshaǵan ortany qorǵaý máselelerine ekpin qoıyp otyr. Biz klımattyń ózgerýi problemalaryn jalǵyz eńsere almaıtynymyz túsinikti. Sondyqtan osy salada Ortalyq Azııa elderin óte mańyzdy seriktes dep sanaımyz», - dedi EO elshisi.

Bul turǵyda ol Qazaqstan Prezıdenti Qasym-Jomart Toqaev qorshaǵan ortany qorǵaý, klımattyń ózgerýi máselelerin sheshýge qatysty aıryqsha mán berip otyrǵanyn atap ótti.

Budan buryn habarlanǵandaı, bıyl 5 qarashada Bishkekte Premer-Mınıstrler deńgeıinde «Eýropalyq Odaq – Ortalyq Azııa» ekonomıkalyq forýmy ótti.

QR Úkimet basshysy Asqar Mamın 2023 jyly «Eýropalyq Odaq – Ortalyq Azııa» ekonomıkalyq forýmy boıynsha Qazaqstandy qabyldaýshy tarap retinde u syndy.

Forýmǵa onlaın-rejımde qosylǵan Eýropalyq komıssııanyń tóraǵasy Ýrsýla fon der Lıaıen Ortalyq Azııa klımattyń ózgerýi saldaryn kórip jatqanyn aıtty.


Joǵary qaraı