Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Energııaǵa tarıfti kóterýdi baıý úshin ótinip otyrǵanymyz joq – «Samuryq-Qazyna» ombýdsmeni

2021 jyldyń 9 naýryz 2021 17:26

NUR-SULTAN. QazAqparat - Elektr energııasyna tarıfti baıý úshin kóterýdi ótinip otyrǵanymyz joq. Bul týraly Qazaqstan energetıkteriniń salalyq kásipodaǵynyń tóraǵasy, «Samuryq-Energo» AQ ombýdsmeni Orazbek Bekbas aıtty, dep habarlaıdy QazAqparat tilshisi.

«Elektr energııasyna tarıfti qysyp ustap turý saldarynan salanyń jaǵdaıy jyldan-jylǵa qıyndap bara jatyr. Búginde elimizde jylý men elektr energııasyn óndirý, taratý salasyndaǵy mekemelerdiń sany 100-den asady. Tarıf tómen bolýy sebepti olarǵa ınvestıtsııa kelmeı jatyr. Stansalarǵa kúrdeli jóndeý jumystaryn júrgizý úshin de qarjy túspeı tur. Bizdegi negizgi qural-jabdyqtardyń tozýy 60 paıyzdan asyp barady. Jylý elektr stansalaryndaǵy bý týrbınasy, bý qazandary, dıirmen, usaqtaǵysh syndy jabdyqtar ábden tozǵan. Olardy jamaý-jamaý qylǵannan ne shyǵady? Sonyń saldarynan apattar jıilep tur. Jaqynda ǵana Temirtaý jylý elektr stansasynda apat oryn alǵany belgili. Shaǵyn stansalar, elektr jelileri baıaǵyda paıdalanýǵa berilgen. Olardy da aıyrbastaý qajet», - dedi kásipodaq tóraǵasy.

Onyń atap ótýinshe, búginde elimizdiń jylý elektr energııasyn óndirý jáne taratý salasynda 102 myń adam jumys isteıdi. Olardyń ortasha jalaqysy 217 135 teńgeni quraıdy.

«Qazaqstan boıynsha ortasha jalaqy - 233 136 teńge. ıAǵnı, ekonomıkanyń negizi sanalatyn salada eńbek etetin energetıkterdiń eńbekaqysy elimizdegi ortasha jalaqydan 6,8 paıyzǵa tómen. Aıtalyq, qarjy-saqtandyrý salasynyń ortasha jalaqysy 422 myń teńge bolsa, munaı-gaz salasynda bul kórsetkish 472 myń teńgeden asyp jyǵylady. Demek, atalǵan sala qyzmetkerleri energetıkterden 2 ese joǵary jalaqy alady. Sonyń saldaryna saladan mamandar ketip jatyr», - dedi ol.

Sonymen qatar «Samuryq-Energo» AQ ombýdsmeni elektr energııasynda ádiletti tarıf bolýy kerektigin basa aıtady.

«Jaǵdaı qıyn, salanyń joǵaltyp alýymyz múmkin. Tarıfti biz baıý úshin kóterýdi ótinip otyrǵanymyz joq. Ádiletti tarıfi bolýy kerek, sala jumysshylarynyń jalaqysy da ádiletti bolýy tıis. Energııaǵa tarıf kóterilse ekonomıka nyǵaıa túsedi. Halyqqa tarıf kóterilmeıdi, burynǵydaı qalady. Halyq tóleıtin tarıfti bıznes pen bıýdjet tóleıdi. Ol rettelip otyrady», - dedi Orazbek Bekbas.

Aıta keteıik, Energetıka mınıstrligi elektr energııasyna arnalǵan tarıfterdi kóterý týraly buıryǵynyń jobasyn jarııalady. Qujat naýryzdyń 26-syna deıin talqylaýǵa shyǵaryp otyr.


Joǵary qaraı