Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Energııa óndirýshi uıymdardyń otynǵa bereshegi kóp - mınıstr

2021 jyldyń 14 qyrkúıek 2021 10:29

NUR-SULTAN. QazAqparat – Energııa óndirýshi uıymdardyń otynǵa kredıtorlyq bereshegi kóp. Bul týraly Úkimet otyrysynda QR Energetıka mınıstri Maǵzum Myrzaǵalıev aıtty, dep habarlaıdy QazAqparat tilshisi.

«Elektr stansalarynda otyn jınaqtaý jalǵasyp jatyr. Qoımalarynda 3,5 mln tonna kómir jáne 90 myń tonna mazýt jınaqtalǵan. Bul jalpy bekitilgen normalarǵa sáıkes keledi. Óńirlerge jetkiziletin «áleýmettik mazýtqa» qatysty aıtatyn bolsaq, 2021 jyldyń tamyzynda Energetıka mınıstrligi kúzgi-qysqy kezeńde áleýmettik-óndiristik nysandar men mekemelerge mazýt jetkizý kestesin bekitti. Soǵan sáıkes mazýttyń kólemi 195,5 myń tonna boldy», - dedi mınıstr.

Onyń aıtýynsha, energııa óndirýshi uıymdardyń otyn úshin aýqymdy kredıtorlyq bereshegi mańyzdy másele bolyp otyr.

«Osy jyldyń 10 qyrkúıegine «QazTransGaz-Aımaq» mekemesi aldyndaǵy bereshek 757 mln teńgeni quraıdy. Sondaı-aq energııa óndirýshi uıymdardyń «Bogatyr-Kómir» kásiporny aldynda jalpy somasy 2, 629 mlrd teńge bereshegi bar»,- dedi Maǵzum Myrzaǵalıev.


Joǵary qaraı