Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Energetıka mınıstri munaı eksporty úshin eń tıimdi ári qaýipsiz baǵytty atady

2021 jyldyń 7 qazan 2021 16:07

NUR-SULTAN. QazAqparat - QR Energetıka mınıstri Maǵzum Myrzaǵalıev «KTK-Qazaqstannyń basty eksporttyq baǵyty» atty Kaspıı qubyr konsortsıýmynyń 25 jyldyq mereıtoıyna arnalǵan paneldik sessııaǵa qatysty. Shara elordada XIV Eýrazııalyq Kazenergy forýmy aıasynda ótýde, dep habarlaıdy QazAqparat.

Energetıka mınıstri óz sózinde «Teńiz – Atyraý – Novorossıısk porty» baǵyty qazaqstandyq munaı eksporty úshin eń tıimdi jáne qaýipsiz bolyp tabylatynyn atap ótti.

«Qazaqstannan eksporttyq munaı qubyryn salý úshin kóptegen nusqalar qaraldy. Munaıdy eksportqa tasymaldaýdyń 10-nan astam baǵyty usynyldy, onyń ishinde Reseı arqyly Qara teńizge, Iran arqyly Parsy shyǵanaǵyna, Baký – Djeıhan arqyly Jerorta teńizine. Saıyp kelgende, sarapshylar eń tıimdi jáne qaýipsiz baǵytty anyqtady: Teńiz – Atyraý – Novorossıısk porty. Oǵan qosa, bul eń qysqa eksporttyq baǵyt boldy», - dedi M.Myrzaǵalıev.

Energetıka mınıstri sondaı-aq jobany qurý protsesinde Qazaqstannyń Tuńǵysh Prezıdentiniń ózi sheshýshi ról atqarǵanyn erekshe atap ótti.

«Elbasy Nursultan Ábishuly Nazarbaev óziniń tabandylyǵymen jáne bedelimen Kaspıı qubyr konsortsıýmyn qurýǵa qol jetkizip, oǵan barlyq múddeli taraptardy tarta aldy. ... Búginde joba tabysty kópjaqty yntymaqtastyqtyń jarqyn mysaly bolyp tabylady. Qazaqstan men Reseı aýmaǵy arqyly ótip, Kaspıı men Qara teńizdiń eki teńiz jaǵalaýyn jalǵaı otyryp, ol Ulybrıtanııa, Italııa, AQSh, Reseı men Qazaqstannyń kóptegen aktsıonerlerin biriktirdi», - dep atap ótti mınıstr.

2001 jyly munaı qubyry paıdalanýǵa berilgen sátten bastap búgingi kúnge deıin Qazaqstan 745 mln.tonnadan astam munaı eksporttady. Osy baǵyt boıynsha eksportqa jetkiziletin Qazaqstan munaıynyń úshten ekisinen astamy ótedi.

KQK qurylysy Teńiz, Qarashyǵanaq sııaqty iri ken oryndarynda munaı óndirý kólemin edáýir ulǵaıtýǵa, sondaı-aq Qashaǵandy ıgerýdi bastaýǵa múmkindik berdi.

«Búgingi tańda KQK-ny kezeń-kezeńimen keńeıtý munaı qubyrynyń ótkizý qabiletin jylyna 67 mln.tonnaǵa deıin jetkizdi. Bul rette jylyna 80 mln. tonnaǵa deıin munaı ótkizý qabiletin keńeıtý mindeti qoıylyp otyr», - dedi Energetıka mınıstri.


Joǵary qaraı