Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Eńbek mınıstri zeınetaqynyń eń tómengi jetkilikti shegin ósirýge qatysty pikir bildirdi

2022 jyldyń 31 naýryz 2022 12:42

NUR-SULTAN. QazAqparat - QR Eńbek jáne halyqty áleýmettik qorǵaý mınıstri Serik Shápkenov Májilis depýtaty Amanjan Jamalovtyń zeınetaqy jınaqtarynyń eń tómengi jetkilikti shegin qoldaný merzimin jyldyń sońyna deıin uzartýǵa qatysty usynysyna pikir bildirdi, dep habarlaıdy QazAqparat tilshisi.

Mınıstr Senatta tilshiler saýalyna jaýap bere otyryp, vedomstvoǵa tıisti usynys kelip túspegenin aıtty. Kez kelgen usynysty mınıstrlik egjeı-tegjeıli pysyqtap, óziniń ustanymyn jarııalaıtyn bolady.

Sonymen qatar S. Shápkenov zeınetaqy jınaǵan birinshi kezekte laıyqty deńgeıde bolýy kerek ekenin atap ótti.

«Jetkilikti shegine toqtalsaq, bul máselege túrli prızmalar arqyly qaraý kerek. BJZQ – ol adamdardyń óziniń laıyqty zeınataqysyna jınaǵan qarajaty. Osydan qarajatty únemi ala bersek, onda erteń adam zeınet jasyna jetkende eń tómengi zeınetaqyny alatyn bolady. Bul durys pa? Sondyqtan Eńbek mınıstriligi birinshi kezekte bolashaq zeınetkerlerdiń quqyǵyn qorǵaıdy. Bul turǵyda bizdiń ustanymdy aıtatyn bolsaq, el azamattary zeınet jasyna jetkende, onyń tabysyna sáıkes laıyqty zeınetaqysy bolýy kerek», - dedi mınıstr.

Aıta keteıik, áleýmettik jelide QR Parlamenti Májilisiniń depýtaty Amanjan Jamalov Úkimetti zeınetaqy jınaqtarynyń eń tómengi jetkilikti shegin qoldaný merzimin 2022 jyldyń sońyna deıin uzartýǵa shaqyrdy.


Joǵary qaraı