Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Eńbek daýy tirkelgen 363 kásiporynnyń 333-inde másele tolyq sheshildi – Erbol Nurǵalıev

2021 jyldyń 22 qazan 2021 13:51

NUR-SULTAN. QazAqparat – QR Eńbek jáne halyqty áleýmettik qorǵaý mınıstrligi Eńbek, áleýmettik qorǵaý jáne kóshi-qon komıtetiniń tóraǵasy Erbol Nurǵalıev kásiporyndardaǵy eńbek daýlary týraly pikir bildirdi, dep habarlaıdy QazAqparat tilshisi.

«Kásiporyndarda bolǵan 23 eńbek daýyn biz túgeldeı taldap shyqtyq. Jumysshylar kótergen máseleniń 80 paıyzy aılyqty ósirý týraly. Bul jerde bir mekemede isteıtin qyzmetkerlerdiń jalaqysynda aıyrmashylyq bar. Soǵan baılanysty jalaqylardy teńestirý boıynsha jumysty bastadyq. Energetıka mınıstrligi sııaqty tıisti vedomstvolarǵa saladaǵy jalaqyny birizdendirý týraly tapsyrma berildi. Kóbinese mundaı shıelenister munaı-gaz sektorynda bolyp jatyr. Bul baǵytta jumys júrgizilip jatyr», - dedi ol ortalyq kommýnıkatsııalar qyzmetinde ótken brıfıngide.

Komıtet tóraǵasynyń aıtýyna qaraǵanda, Mańǵystaý oblysyndaǵy kásiporyndarda eńbek daýlary sheshile bastady.

«Eńbek daýlary týǵan mekemelerdiń bárin baqylaýǵa alyp otyramyz. Búginde 363 mekemeni baqylaýǵa aldyq. Onyń 333-inde másele sheshildi. Tek 30 mekemede másele sheshilmeı tur. Onymen jergilikti ákimdikter aınalysyp jatyr. Biz de qadaǵalap otyrmyz.

Mańǵystaý men Atyraý oblystaryndaǵy iri kásiporyndarmen jumys oryndaryn saqtaý týraly memorandýmdar jasalady. Ol memorandýmnyń oryndalýyn jiti baqylap otyramyz», - dedi Erbol Nurǵalıev.


Joǵary qaraı