Aýa raıy
Astana -2 °S
Almaty 10 °S
valıýta baǵamy
USD 421.58
EUR 496.83
RUB 5.53
CNY 62.20

«Eńbek» baǵdarlamasymen kásibin dóńgeletkender jylyna 73 mlrd teńgeniń ónimin shyǵaryp otyr

2020 jyldyń 24 qyrkúıek 2020 11:20

NUR-SULTAN. QazAqparat - «Eńbek» baǵdarlamasy aıasynda kásibin dóńgeletkender jylyna 73 mlrd teńgeniń ónimin shyǵaryp otyr. Bul týraly QR Eńbek jáne halyqty áleýmettik qorǵaý mınıstri Birjan Nurymbetov aıtty, dep habarlaıdy QazAqparat tilshisi.

«Jańa jumys oryndaryn qurý baǵytynda «Eńbek« baǵdarlamasynyń sharalary 739 myń jumys ornyn qurýdy qamtamasyz etti. Onyń ishinde 153 myń turaqty jumys oryndary jáne 586 myńy ýaqytsha jumys oryndary quryldy. Alǵashqy tolyq úsh jylda turaqty jumys oryndarynyń sany 7 esege artty. 153 myń turaqty jumys orny shaǵyn nesıeler men granttar berý arqyly jańa kásipkerlerdi qalyptastyrý esebinen qamtamasyz etildi», - dedi mınıstr Májilistegi Úkimet saǵatynda.

Onyń aıtýynsha, Eńbek« memlekettik baǵdarlamasynyń shaǵyn nesıe berý sharttary óte jeńil. Baǵdarlama aıasynda jyldyq mólsherlemesi 6 paıyzben 7 jylǵa deıin 22 mln teńge alýǵa bolady.

Kepildendirý tetikteri de bar. Munan bólek baǵdarlama aıasynda 200 aılyq eseptik kórsetkish nemese 555 myń teńge qaıtarymsyz granttar da qarastyrylǵan.

«Grant tabysy az jáne kópbalaly otbasylardyń múshelerine, qonys aýdarýshylarǵa beriledi. Alǵashqy úsh jylda shaǵyn nesıe alýshylardyń sany 2,5 esege, qosymsha qurylǵan jumys oryndarynyń sany 5 ese artqan. Jalpy baǵdarlamaǵa qatysýshylar esebinen shaǵyn jáne orta bıznes salasyndaǵy jumyspen qamtý ósimi 11 paıyzdy quraıdy. Olardyń shyǵarǵan ónimderiniń kólemi jylyna 73 mlrd teńge kóleminde baǵalanady», - dedi Birjan Nurymbetov.


Joǵary qaraı