Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

«Eńbek» baǵdarlamasymen 328,5 myń adam jumysqa ornalasty

2021 jyldyń 15 qyrkúıek 2021 09:54

NUR-SULTAN. QazAqparat – «Eńbek» memlekettik baǵdarlamasymen 328,5 myń adam jumysqa ornalastyryldy, dep habarlaıdy QazAqparat Eńbek jáne halyqty áleýmettik qorǵaý mınıstrliginiń baspasóz qyzmetine silteme jasap.

Vedomstvonyń málimdeýinshe, 1 qyrkúıektegi jaǵdaı boıynsha Nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan «Eńbek» memlekettik baǵdarlamasyna 451,6 myń adam qatysqan. 328,5 myń adam jumysqa ornalastyrylyp, onyń 200,7 myńy turaqty jumysqa turdy.

«Baǵdarlamanyń birinshi baǵyty aıasynda qysqa merzimdi kýrstarǵa 15,2 myń adam jiberildi. 5,5 myńnan astam adam óz isin ashý úshin jeńildikti mıkrokredıt, al 20,2 myńy qaıtarymsyz memlekettik grant aldy.

Sýbsıdııalanatyn jumys oryndaryna 155,7 myń adam jumysqa ornalastyryldy, onyń ishinde: áleýmettik jumys oryndaryna 16,6 myń adam; jastar praktıkasyna – 21,4 myń adam; qoǵamdyq jumystarǵa – 117,4 myń adam bardy», delingen habarlamada.

Mınıstrliktiń málimetinshe, eńbek resýrstarynyń utqyrlyǵy sheńberinde 1 342 otbasy nemese 4 571 adam qonys aýdarǵan, onyń ishinde 1 952 adam eńbekke qabiletti jasta.

«Onyń ishinde 1 329 adam jańa turǵylyqty jerinde turaqty jumysqa ornalastyryldy jáne 111 adam kásipkerlik qyzmetpen aınalysady, 5 adam oqýǵa jiberildi», dep habarlady vedomstvodan.

Eske sala ketsek, 2020 jyly «Eńbek» memlekettik baǵdarlamasyna 649 myń adam qatysty. 437,3 myń adam jumysqa ornalastyryldy, onyń 319,2 myńy turaqty jumysqa turdy. Jappaı kásipkerlikti damytýǵa 12,7 myń mıkrokredıt jáne jańa bıznes ıdeıany iske asyrýǵa 44,9 myń qaıtarymsyz memlekettik grant berildi.

Budan basqa, eńbek resýrstarynyń utqyrlyǵyn arttyrý sheńberinde jumys kúshi artyq óńirlerden quramynda 5,8 myń adam bar 1,8 myń otbasy qonys aýdardy.


Joǵary qaraı