Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Eńbek ardagerleri men «Eńbek joly» konkýrsynyń jeńimpazdary marapattaldy

2021 jyldyń 28 qazan 2021 17:57

NUR-SULTAN. QazAqparat – Elordada «Jalpyǵa Ortaq Eńbek Qoǵamyna» atty respýblıkalyq forým ótti. Táýelsizdiktiń 30 jyldyǵyna arnalǵan is-shara barysynda eńbek ardagerleri men «Eńbek joly» respýblıkalyq konkýrsynyń jeńimpazdaryn saltanatty marapattaý rásimi ótti, dep habarlaıdy QazAqparat tilshisi.

Forým jumysyn Qazaqstan Respýblıkasy Premer-Mınıstriniń orynbasary Eraly Toǵjanov ashty.

«Úkimet eńbek adamynyń bedelin arttyryp, tabysyn kóterýge baǵyttalǵan keshendi naqty jumystardy iske asyryp jatyr. Birinshiden, áleýmettik saıasatta qarapaıym eńbek adamynyń tabysyn arttyrýǵa basymdyq berilip otyr», - dedi E. Toǵjanov.

Óz kezeginde QR Eńbek jáne halyqty áleýmettik qorǵaý mınıstri Serik Shápkenov memlekettiń áleýmettik-ekonomıkalyq ósýi men halyqtyń ál-aýqatynyń basty quramdas bóligi retinde eńbektiń qundylyǵyn jáne jastardy eńbeksúıgishtikke baýlý qajettiligin atap ótti.

«Rýhanı jańǵyrý» baǵdarlamasy aıasynda bizdiń mınıstrlik jyl basynan beri «Eńbek – eldiń muraty» arnaıy jobasyn iske asyrýda, onyń maqsaty – qajyrly eńbeginiń arqasynda jetistikke jetken adamdardyń bedelin arttyrý arqyly óskeleń urpaqtyń boıynda eńbekqorlyq qasıetin tárbıeleý. Arnaıy jobany sapaly júzege asyrý maqsatynda naqty is-sharalar josparyn bekittim», – dedi Serik Shápkenov.




Forým aıasynda eńbek ardagerlerine qurmet kórsetý jáne «Eńbek joly» respýblıkalyq konkýrsynyń jeńimpazdaryn marapattaý rásimi ótti.

Premer-Mınıstrdiń orynbasary E. Toǵjanov «Eńbek ardageri» medalin jáne eńbek ardagerleri Janqylysh Rajanovqa, Dılaram Savýtovaǵa jáne Ǵazız Aldońǵarovqa syılyq sertıfıkattaryn tabys etti.

Sonymen qatar, Respýblıkalyq komıssııanyń otyrysynda «Eńbek joly» respýblıkalyq konkýrsynyń laýreattary konkýrstyń óńirlik kezeńiniń jeńimpazdary qatarynan irikteldi. Komıssııa quramyna QR Parlamentiniń depýtattary, QR Eńbek jáne halyqty áleýmettik qorǵaý mınıstrliginiń, QR Aqparat jáne qoǵamdyq damý mınıstrliginiń, «Atameken» UKP, «Qoǵamdyq kelisim» RMM ókilderi jáne áleýmettik áriptester kirdi.

«Úzdik eńbek áýleti» atalymynda Shyǵys Qazaqstan oblysynan kelgen Belogortsevter áýleti jeńimpaz bolyp tanyldy. Ekinshi oryndy Aqtóbe oblysynan kelgen Jamanovtar áýleti alsa, úshinshi oryndy Qaraǵandy oblysynan kelgen Kýrınovtar áýleti ıelendi.




Mańǵystaý oblysynan kelgen ıÝsıf Kýlıev jumys isteıtin jastardyń úzdik tálimgeri tanyldy. Osy atalymda ekinshi jáne úshinshi oryndardy Pavlodar oblysynan Natalıa Akınshına jáne Almaty qalasynan Svetlana Gabdýsheva ıelendi.

Óndiristiń úzdik jas qyzmetkerleri atalymynda : Batys Qazaqstan oblysynan Rafhat Aıapov (1-oryn), Aqmola oblysynan Ádilbek Áshimov (2-oryn) jáne Túrkistan oblysynan Іlııas Súıerqul (3-oryn).

«Eńbek joly» respýblıkalyq konkýrsynyń jeńimpazdaryna estelik dıplomdar men syılyq sertıfıkattaryn taldy.














Joǵary qaraı