Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

«Eń meıirimdi» konkýrsyna qatysý úshin ótinim qabyldaý jalǵasyp jatyr

2021 jyldyń 18 qazan 2021 18:33

NUR-SULTAN. QazAqparat - Qazaqstanda «Azamattyq bastamalardy qoldaý ortalyǵy» KEAQ pen QR Aqparat jáne qoǵamdyq damý mınıstrliginiń qoldaýymen 1 qyrkúıekte iske qosylǵan «Eń meıirimdi» konkýrsyna qatysý úshin ótinim qabyldaý jalǵasyp jatyr, dep habarlaıdy QazAqparat.

Konkýrs «Qaıyrymdy ister marafony» jalpyulttyq jobasyna qatysýshylar arasynda on nomınatsııa boıynsha ótedi: «Eń meıirimdi óńir», «Eń meıirimdi bıznes», «Eń meıirimdi aýyl», «Eń meıirimdi ujym», «Eń meıirimdi aýla», «Eń meıirimdi JOO», «Eń meıirimdi mektep», «Qorshaǵan ortaǵa eń meıirimdi», «Eń meıirimdi redaktsııa» jáne «Eń meıirimdi volonter».

Konkýrsty ótkizýdegi negizgi maqsat – eldegi qaıyrymdylyq jáne volonterlik mádenıetti nasıhattaýǵa baǵyttalǵan.

Oǵan «Qaıyrymdy ister marafony» jobasy sheńberinde qaıyrymdylyq jáne volonterlik jumysqa tartylǵan kámelet jastaǵy qazaqstandyqtar qatysa alady.

Jeńimpazdardy komıssııa osy jyldyń 1-12 qarashasy aralyǵynda anyqtaıdy.

Qatysý úshin ótinimdi 2021 jyldyń 29 qazanyna deıin jiberýge bolady. Ár nomınatsııanyń erejesi men qatysýshylardyń anketasy marafon jobasynyń www.qim.kz resmı saıtynda ornalasqan.

Kez kelgen suraq boıynsha uıymdastyrý komıteti ókilderiniń kelesi baılanys nómirine habarlasýǵa bolady: +7 701 513 55 00.

Eske sala keteıik, «Qaıyrymdy ister marafony» jalpyulttyq jobasy Azamattyq bastamalardy qoldaý ortalyǵy men Aqparat jáne qoǵamdyq damý mınıstrliginiń qoldaýymen júzege asyrylýda.

Jobanyń basty maqsattarynyń biri – jaqsylyqqa jany qumar adamdardy biriktirý jáne uıymdastyrý, qoǵam men adamdardyń ómirin jaqsy jaqqa ózgertýge múmkindik beretin, jomarttyq pen jaqsylyq ıdeıasyna negizdelgen qoǵam qurý.

Marafonǵa nıet bildirgen kez kelgen azamat qatysa alady.

Ol úshin óziniń jaqsy isterin áleýmettik jelilerde #QAIYRYMDYІSTERMARAFONY #MARAFONDOBRYHDEL resmı heshtegimen jarııalaýy kerek.


Joǵary qaraı