Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

«Emmı» syılyǵynyń nomınanttary belgili boldy

2021 jyldyń 14 shilde 2021 10:15

LOS-ANJELES. QazAqparat – «Emmı-2021» syılyǵynyń nomınanttary jarııalandy. 73-shi marapattaý rásimi 19 qyrkúıekte Los-Anjeleste ótedi, dep habarlaıdy QazAqparat Euronews agenttigine silteme jasap.

Netflix-tiń «The Crown» jáne «Disney+» strımıng servısiniń «The Mandalorian» teleserıaldary tizimde kósh bastap tur: olardyń árqaısyna 24 nomınatsııadan tıesili.

«Dramalyq serıaldaǵy úzdik aktrısa» sanatyndaǵy marapatqa «The Crown» serıalynyń aktrısalary Olıvııa Kolman men Emma Korrın usynyldy.

Olar Ekinshi Elızaveta patshaıym men Dıana hanymnyń rólin somdaǵan bolatyn.

«The Mandalorian» – alǵashqy oıyn serıaly, «Star wars» fılmder jelisiniń quramdas bóligi.

Serıal sıýjeti «Return of the Jedi» fılmindegi oqıǵalardan bes jyl ótkennen keıin oryn alady.

Basty róldi – jalǵyz júretin ańshy Dın Djarındi Pedro Paskal somdady.

1990 jyldan bastap WarnerMedia bólimshesi – HBO (Home Box Office) kabeldik jáne spýtnıktik teledıdar jelileri arasynda nomınatsııalar sany boıynsha kósh bastap keledi.

Onyń qorjynynda 130 nomınatsııa bar.

«Úzdik komedııalyq serıal» sanatyndaǵy marapatqa 8 kartına talasady: «Black-ish», «Cobra Kai», «Emily in Paris», «The Flight Attendant», «Hacks», «The Kominsky Method», «PEN15», «Ted Lasso».

Eń úzdik mını-serıal ataǵy úshin «The Queen's Gambit», «I May Destroy You», «Mare of Easttown», The «Underground Railroad» jáne «WandaVision» serıaldary baq synaıdy.

«Emmı» (Primetime Emmys) – teledıdar ekranyndaǵy úzdik jumystarǵa beriletin eń bedeldi marapattardyń biri.

Qolynda sımvoldyq atomy bar qanatty áıel túrindegi altyn músinshelerdi Teledıdar óneri jáne ǵylymdar akademııasy tabystaıdy.

Sheshimdi onyń 23 myńǵa jýyq múshesi qabyldaıdy.


Basty sózder: Óner, Mádenıet, AQSh, Amerıka, Álem,
Joǵary qaraı