Aýa raıy
Astana 11 °S
Almaty 22 °S
valıýta baǵamy
USD 412.55
EUR 468.66
RUB 5.79
CNY 58.80

Emhana dárigerleriniń aılyǵyna ústemeaqy qosylady - mınıstrlik

2020 jyldyń 7 shilde 2020 12:41

NUR-SULTAN. QazAqparat – Densaýlyq saqtaý vıtse-mınıstri Ajar Ǵınııat qaı sanattaǵy dárigerlerdiń aılyǵyna ústemeaqy qosylatynyn aıtyp berdi, dep habarlaıdy QazAqparat tilshisi.

«KVI boıynsha sımptomsyz patsıenttermen jumys isteıtin dárigerlerge ústemeaqy qarastyrylmaǵan. Sebebi olardyń patsıentteri aýrýdy asa taratpaıdy dep esepteledi. Sonymen birge emdeý hattamasyna sáıkes olardy úılerine baryp emdeýdiń esh qajettigi joq. ıAǵnı olar patsıenttermen telefon arqyly ǵana sóılese beredi», - dedi Ajar Ǵınııat OKQ-da ótken baspasóz máslıhatynda.

Vıtse-mınıstrdiń aıtýynsha, emhanalarda ınfektsııalyq syrqattar boıynsha jumys isteıtin dárigerlerge keltirilgen zııan úshin ústemeaqy berý qarastyrylǵan.

«Emhanalardyń kóbi provızorlyq statsıonarlar retinde jasaqtaldy. Dárigerler vırýs oshaqtaryna barady, úılerdi aralaıdy. Bul máseleni qazir Densaýlyq saqtaý mınıstrligi qarap jatyr. Ústemeaqy bolady», - dedi Ajar Ǵınııat.


Joǵary qaraı