Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Eljan Birtanovtyń úıqamaq merzimi uzartyldy

2021 jyldyń 14 qyrkúıek 2021 15:49

NUR-SULTAN. QazAqparat – Qazaqstannyń burynǵy Densaýlyq saqtaý mınıstri Eljan Birtanovtyń úıqamaqta bolý merzimi taǵy da uzartyldy, dep habarlaıdy QazAqparat.

«2021 jylǵy 14 qyrkúıekte Nur-Sultan qalasynyń mamandandyrylǵan aýdanaralyq tergeý soty Eljan Birtanovty úıqamaqqa alý merzimin qylmystyq is materıaldarymen tanysý kezeńinde saǵat 08:00-den 19:00-ge deıin turǵyn úıden shyǵý quqyǵymen 2021 jylǵy 14 qarashaǵa deıin uzartýdy qaýly etti», - delingen Nur-Sultan qalalyq sotynyń habarlamasynda.

Aıta ketsek, Nur-Sultan qalalyq sotynyń qylmystyq ister jónindegi sot alqasy Eljan Birtanovti úıqamaqta ustaý bultartpaý sharasyn buǵan deıinde kúshinde qaldyrǵan edi.

«Baıandalǵan derekterdiń negizinde, Qylmystyq is júrgizý kodeksiniń 55, 56, 151, 152-baptaryn basshylyqqa ala otyryp, sot Eljan Amantaıuly Birtanovqa qatysty úıqamaq túrindegi bultartpaý sharasynyń merzimin 2021 jylǵy 14 maýsymnan bastap 14 shildeni qosa alǵanda esepteletin 9 aıǵa deıin uzartý týraly qaýly etti. Kúdiktiniń qorǵaýshylary men advokattarynyń ótinishteri qanaǵattandyrýsyz qaldyrylsyn», - degen bolatyn tergeý sotynyń sýdıasy Aqmaral Isaeva.

Eske salsaq, ótken jyly burynǵy densaýlyq saqtaý mınıstri Eljan Birtanov qamaýǵa alyndy. Oǵan qatysty asa iri kólemde bıýdjet qarajatyn ysyrap etý faktisi boıynsha qylmystyq isti tergelip jatyr.


Avtor Álı Ibraev
Basty sózder: Medıtsına, Sot, Nur-Sultan,
Joǵary qaraı