Aýa raıy
Astana -23 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

Elordanyń jeke sektor turǵyndary úılerine gaz kirgizip jatyr - Altaı Kólginov

2020 jyldyń 24 qarasha 2020 11:01

NUR-SULTAN. QazAqparat - Elordanyń jeke sektorda turatyn tutynýshylary úılerine tabıǵı gazdy birtindep kirgizip jatyr. Bul týraly búgin Úkimet otyrysynda Nur-Sultan qalasynyń ákimi Altaı Kólginov aıtty, dep habarlaıdy QazAqparat tilshisi.

«Jeke sektorda turatyn tutynýshylar úıine tabıǵı gazdy birtindep kirgizip jatyr. Qazirgi kúni 5 myńnan astam úı gazben jabdyqtaý júıesimen qamtylǵan. Jyl sońyna deıin 6 myń tutynýshyǵa jetkizýdi josparlap otyrmyz. Jeke sektorlardaǵy úılerge esepke alý qurylǵylary tegin qarastyrylǵan. Front-keńseler jumys isteýde. Onda 3 myńnan astam turǵyn gazdy qosý joldary, tehnıkalyq qaýipsizdik máseleleri jáne basqa da suraqtar boıynsha keńes aldy. Bul jumys qazirgi kúni ary qaraı jalǵasyp jatyr», - dedi elorda ákimi.

Sonymen qatar qala basshysy JES-1, JES-2-de qurylǵylardy almastyrý, jeldetkish jáne qorǵaý júıelerin ornatý sııaqty jumystar júrgizilip jatqanyn aıtty.

«Nátıjesinde sý jylytatyn 4 qazandyqqa gaz qosyldy. Qazirgi ýaqytta qalǵan qazandyqtardy gazǵa almastyrý jumystary jalǵasýda. Sonymen qatar qazandyqtary avtonomdy túrde jumys isteıtin mektep, balabaqsha, aýrýhana sııaqty 19 áleýmettik nysandy gazǵa kóshirý jumystary júrgizilý ústinde. Jalpy, gazdandyrý jobasy ekologııany jaqsartyp qana qoımaı adamdardyń densaýlyǵyna da oń áserin tıgizip, jeke sektorda turatyn elorda turǵyndaryna qolaıly jaǵdaı týǵyzady degen senimdemiz»,- dedi Altaı Kólginov.


Joǵary qaraı