Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Elordanyń qoǵamdyq kólik baqylaýshylaryna jolaýshylarǵa aıyppul salý quqyǵy berilýi múmkin

2022 jyldyń 16 mamyr 2022 13:44

NUR-SULTAN. QazAqparat – Elordanyń qoǵamdyq kólik baqylaýshylaryna jol aqysyn tólemeıtin jolaýshylarǵa aıyppul salý quqyn berý kerek. Bul jaıynda City Transportation Systems (CTS) kompanııasynyń baspasóz hatshysy Naýat Azanbaeva aıtty, dep habarlaıdy QazAqparat tilshisi.

«Eger statıstıkaǵa qaraıtyn bolsaq, 2021 jyly bıletsiz júrgen 239 myń jolaýshy anyqtaldy. Olardyń tek shamamen 9 myńy ǵana aıyppul tólegen», - dedi Naýat Azanbaeva agenttik tilshisine bergen suhbatynda.

Onyń atap ótýinshe, búginde qoǵamdyq kólik baqylaýshylarynyń jolaqysyn tólemegen jolaýshyǵa aıyppul salý quqy joq. Mundaı ókilettik tek jergilikti polıtsııa qyzmetinde ǵana bar.

«Biraq, ár ýaqytta polıtsııa shaqyrý qolaısyzdyq týdyrady, tipti paıdasyz desek te bolady. Óıtkeni, olar tek 40 mınýtan keıin ǵana keledi. Qaı jolaýshy aıaldamada 40 mınýt boıy kútip turady. Olar ketip qalady, qashyp ketedi. Baqylaýshylardyń olardy ustaýǵa quqyǵy joq. Sondyqtan bizdiń kompanııamyz Kóliktik baqylaý departamentine sol jerde birden aıyppul jazyp berý quqyǵyn berý qajet dep sanaıdy. Jolaýshylar 90 teńgeniń ornyna bıletsiz júrgeni úshin 6 myń teńge tólegennen góri jolaqysyn birden óteıtin bolady», - dedi ol.

Onyń atap ótýinshe, bul úshin Ákimshilik quqyq buzýshylyq týraly kodekske ózertýler engizý qajet.

Aıta keteıik, elordada jolaýshylar jol aqysyn eki jolmen tóleı alady – bul kólik kartasymen jáne QR-kodty skanerleý arqyly. Ol úshin ártúrli qosymshalar bar (Transcard, Kaspi.kz, Homebank, uıaly baılanys operatorlarynyń qosymshalary jáne taǵy basqa). Jol júrý quny 7 jyl boıy 90 teńge deńgeıinde saqtalǵan.



Avtor Marlan Jıembaı
Basty sózder: Nur-Sultan, Kólik, Aıyppul,
Joǵary qaraı